Okakalata kaNamPost taka longitha ookastoma nuupu
Pethimbo ndika kape na ngoka ta pumbwa okuthigala konima yesiga; oshi li wo oshitopolwa shaNamPost okugandja omayakulo gopambaanga nogopashimaliwa kOmunamibia kehe, unene tuu mboka ihaaya mono uuwanawa womayakulo ngaka shito. Okuza sho okakalata koNamPost Smart Card ka totwa, osha kala olweendo lwiinyanyangidhwa iipe, noku eta po oompito dhookastoma adhihe dhi kale tadhi mono omayakulo gopashimaliwa kondando yi li nawa. Ombaanga yoNamPost Savings Bank ngashiingeyi oya hwepopaleka ompito yokumona omayakulo gopashimaliwa, sho ye ya po nokakalata komayakulo gopashinanena koSmart Card hoka ke na iifuta yi li pevi lela.
Okakalata haka ngashiingeyi otaka vulu okulongithwa kehe mositola ndjoka yi na okashina komalandithilo. Otaka vulu wo okulongithwa okunana oshimaliwa pokashina kokunana oshimaliwa kombaanga kehe moshilongo. Nana oshimaliwa shoye pokashina kehe kiifuta yi li pevi.
Okakalata haka okape koSmart Card otaka koleke egameno moombelewa dhoNamPost okupitila monomola yoye yopaumwene ndjoka oyo to longitha okunana oshimaliwa. Onomola ndjika yopaumwene oyi na okulongithwa puushina womafutilo pamukalo gwokambomba osho wo puu-ATM moshilongo ashihe.
Omayakulo galwe ngoka ga gwedhwa po ongaashi ekwashilipaleko lyefumviko. Ekwashilipaleko ndika otali vulu okugandjwa pethimbo lyookastoma tadhi ishangitha okumona okaSmart Card nenge to talele po yimwe yomoombelewa 137 dhoNamPost ndhoka dhi li oshilongo ashihe. Ekwashilipaleko ndika lyefumviko otali lalakanene okukwathela ompumbwe yekwashilipaleko lyefumviko lyOmunamibia kehe kondando yopevi yooN$9.99.
Okakalata okape koSmart Card otaka endele wo pamwe noakaunta yoNamPost Savings Account ndjoka to pewa oshali. Ookastoma nadhi pule okupewa oakaunta ndjika esiku kehe taya talele po oshitayi shoNamPost. Oakaunta ndjika yomapungulilo (Savings Account) oya gamenwa ashike sho to vulu okutula ko iimaliwa yoye to yi kutha koakaunta yoSmart Card. Nonando ondjenda momangeshefelo, NamPost Smart Card okwa etelela uuwanawa ngaashi okunana oshimaliwa nuupu osho wo okuninga omafutilo gomayakulo poombelewa dhoNamPost ngaashi okulanda uulityaatya woongodhi dhopeke, okufuta olisensa yo-TV yo-NBC nokulanda olusheno. Okakalata oka taambwa ko koositola adhihe, oto vulu okukutha iimaliwa kokakalata kamwe tayi yi kokakwawo, okufuta oakaunta koombaanga kiifuta yi li pevi osho wo okuninga onkalamwenyo yoye ompu mokukala to vulu okumona oshimaliwa moNamibia alihe.
Omanga okakalata haka okape taka tula NamPost onkatu komeho okuyelekanitha naadhani aakwawo moshimpungu shika, osha eta wo uuwanawa moka ookastoma tadhi vulu okulongitha iimaliwa yadho ethimbo kehe uusiku nomutenya. Okakalata haka otaka monika nuupu kookastoma oompe. Ookastoma adhihe oompe odha pumba okamutse koshilongo.
Kookastoma dhaakwiilongo, omukanda gwokuhinga nenge opasporta oya pumbwa oku ulikwa. Kaanona, onzapo yevalo osho wo okamutse kaakuluntu oka pumbwa okugandjwa osho wo ombaapila yepopilo okuza kaakuluntu. Ookastoma adhihe odhi na oku ka inyolitha okuninga endhindhiliko lyelongitho lyomunwe. Aanangeshefa nayo otaya vulu okumona okakalata koNamPost Business Smart Card pombelewa kehe yaNamPost moshilongo ashihe. Okakalata haka ohaka gandja uuthemba kaanangeshefa mboka ya hala okugandja uuthemba kaantu yalwe ye ya ningile omangeshefelo peha lyawo.
Opo ku kwashilipalekwe kutya ookastoma dhoNampost otadhi ka tyapula omawuwanawa gokakalata haka koSmart Card okape, NamPost ota indile ookastoma adhihe ndhoka dhi na okakalata okakulu koSmart Card dhi talele po oshitayi shoNamPost popepi nayo opo ya pewe uukalata uupe. Mompito ndjoka oto ka pulwa wu ulike okamutse koshilongo, osho wo ombaapila tayi ulike mpoka ho zi nonzo yiiyemo yoye uuna ya konda N$10 000.