Kadi ya Poso kitiululo kwa basebelisi
Mwanako yeo hakuna ya swanela kukungulelwa kwatuko, kikalulo ya musebezi wa Poso ya Namibia (NamPost) kufa tatululo ya puluko ya masheleñi kwabayahi kaufela banaha Namibia, sihulu baba safumani masheleñi amañata. Kuzwelela tahiso ya Kadi yenca ya Poso ya Namibia, ibile musipili wa kutahisa zenca, kutahisa kolo kwa sicaba kaufela kusebelisa lisebelezo za masheleñi zecipile.
Panka ya puluko ya Poso kanako ya cwale icafalize kabelo yecipile kwalisebelezo za masheleñi, kakutahisa Kadi yakuzwisisa masheleñi yehapa maikuto ni yecipile.
Kadi yenca yakuzwisisa masheleñi ikona kusebeliswa kwa sintolo sifi kamba sifi sesi amuhela ma kadi apanka kuleka libyana. Mi hape mukona kuyozwisa masheleñi fa ATM ya panka ifi kamba ifi mwa Namibia katifo yelikani. Kadi yenca yakuzwisisa masheleñi isilelelizwe ki liofesi za Poso ya Namibia mwanaha kaufela.
Mufiwa nombolo ya kunutu (PIN) ili yemukona kusebelisa hamubata kuleka libyana mwalintolo kapa kuzwisa masheleñi fa ATM mwanaha kaufela.
Kuekeza kuzeo, musakona kulifa masheleñi akubukeleza bupilo bwamina, kuli hamutimela balubasi bafiwa masheleñi akumibuluka. Pukelezo yeo mukona kuifumana hamubata kufumana Kadi yenca ya Poso, kapa hamupotela liofesi za Poso ze 137 mwanaha kaufela. Ona pukelezo ya bupilo bwamina yefiwa kiba Poso ibata kubona kuli bayahi kaufela babukelezwa, kakulifa feela masheleñi alikana N$9.99 kakweli.
Kadi yenca yakuzwisisa masheleñi itaha ni pulukelo yenca kwa Poso, ili yekwalulwa mahala. Basebelisi muswanela kuyokupa kalulo yeo yamahala hamupotela ofesi ya Poso.
Pulukelo yenca isilelelizwe kakukona kuzwisa masheleñi mwapulukelo yetuna kuisa kuyenca. Nihaike isali nto yenca, Kadi ya Poso itaha ni zeñwi zemukona kufumana, inge kuzwisa masheleñi kabunolo ni kulifa zeñwi zefumaneha kwa Poso zecwale ka kuleka masheleñi akusebelisa mwafoni, kulifela liñolo la kuluwa mazimumwangala la NBC, ni kuleka malaiti. Kadi ya amuhelwa kwa lintolo kaufela zelekisa libyana zeñata, mi musakona kulumela masheleñi kubabañwi kwapanka ifi kamba ifi mwanaha kaufela.
Kadi yenca sina haibeya Poso ya Namibia fapila lipanka kaufela mwanaha, mukona kuisebelisa nako kaufela mi mukona kuyozwisa masheleñi amina nako ifi kamba ifi mwalizazi.
Kadi ya Poso yenca ikona kufumaniwa kabunolo kubaba itokwa kaufela. Baba itokwa kaufela ili baba sebelisa poso lwa pili, kutokwahala feela kadi ya buizibahazo. Besi bayahi banaha kutokwahala feela liñolo la bukwaezi kapa situpa. Kwabanana kutokwahala pampili ya sipepo ni mapampili abuizibahazo abashemi, ni liñolo kuzwelela kwa bashemi.
Baba taha lwapili kaufela bana ni kungiwa mihato ya minwana.
Balipisinisi ni bona bakona kufumana makadi alipisinisi kwaofesi ifi kamba ifi ya Poso mwanaha kaufela. Kadi ya pisinisi ifa maata abuyemeli kuba babata kufa babeleki babona kuli bayo bazwiseza masheleñi.
Kakubata kubona kuli basebelisi ba Poso baikola Kadi yenca, Poso isusueza basebelisi ba Poso babana ni ma Kadi akale, kupotela liofesi za Poso ni kuyo fumana ma Kadi amanca. Basebelisi ba Poso ba babata kucinca Kadi yakale balukela kuya ni kadi ya buizibahazo, hamoho cwalo ni pampili yepaka kuli bafumananga masheleñi, ni pampili yepaka kobaina hala baba fumana masheleñi afitelela N$10 000.