Minsitry zerongo kazihagekeserepo mavango gahana asi goumitili
Mokugusapo udigu ou vanakara nawo woyimaliwa, ntani ekonomi lyetu lina pilire kuwapa, ministeli zerongo kavageve mbudi asi kuna kukagusapo mavango nagenye gana kara asi kapisi gourongi meyereko lyoyimaliwa kutunda momvhura ezi 2020/21 ntani 2021/22 dogoro komeho oko.
Mukurona gominsteli pamberewa Sanet Steenkamp katente asi ministeli kuna kupita maudigu gomanene mokuhamena yimaliwa morwa udigu nye ou weEkonomi yina twaredere dogoro ngesi yimaliwa yeyereko lyomvhura 2021/22 kuna tugumu unene.
Kutunda tupu apa vagwanekera Ministeli zerongo ntani ministeli zoyimaliwa kohamena eyereko, Steenkamp katente asi kayitwarederere vagusepo karuwo aka mavango nagenye ogo vakere nago gahana asi gourongi meyereko mvhura ezi dogoro zoozo.
Kuna kara asi mavango gangoso kakare asi posure, pomberewa zomukunda ndi komberewa zonene nadinye ngoso kwato kuditjingisa,; yimo ana kutanta ngoso.
Nsene vana mono asi evango olyo mulyo unene vahepa nye kutjangera kwa hamutjanga gocabinet ogu nagava epulisiro konyima nsene vana tara asi hawe sili evango eli mulyo unene.
Age simpe kagwedereko asi simpe mavango ogo navakatjingisa kwahepa kukara mbapira zina kunkondopeke asi morwa sinke vana kuyimonena asi mulyo unene nokutara asi nongendeseso nadinye vana dikwama ntani nokutara asi yimaliwa nayo poyili.
Awo simpe kavageve asi odo daza nare momatjingiso vahepa kudimana ngesi vadikutire vantu nye kutunda opo kwato hena noposa navatjingisa.
Nokugwedako asi nomberewa nadinye derongo kavaditanterere asi vahepa kukuta vantu vawo nsene asi kozili sure zina kara novamitili wovanzi vahepa kuvadirura vatware oku vana kara vamitili wovasesu ndi vahepa kupa evango olyo komurongi ogu ana kara asi gegwederero koministeli.
Mokugwedako vakurona sure, novanona vawo HOD vahepa nawo kuronga kukwama moomu lyakarapo elikwamo lyokuronga posure. Steenkamp katente asi nosure depangero ntani vamitili vakara momapondokwa vahepa kuvapa yirugana yoyinzi.
Ano kovarongi, 100% kuna kara nye ngesi vakurona posure 75% ano mukurona sure age gahepa kukara no25%.