‘Ngame oshihakanwa shopolitika’:
Omupevi-presidente waZimbabwe a ti, sho omawi gopaihulo ga taandele
Omupevi-presidente waZimbabwe Kembo Mohadi okwa dhika oonyala mevi ta ti ye oku li oshihakanwa shopolitika, naatondi ye oya tokola opo ye mu hanagule po sho yeya po nomawi, ga hepununa ewi lye, a fa ta kundathana iihulo naakiintu.
Sho a popi lwotango kombinga yomawi ngoka taga taambathanwa moshigwana –moka Mohadi ta popi naakiinhu aahokanwa yaali nosho wo gumwe ngoka a li a kwathele monakuziwa –omupeipresidente okwa gandja omushangwa kiikundaneki moka a holola kutya opu na iita moZanu-PF, nomawi ngoka oge li oshitopolwa shoku mu lwitha. “Nonande onda ninga omasiku ndeshi mwenena, onda hala oku popya mpaka kutya shoka oshi li oshitopolwa shoku nanagula po uukwatya gwandje wopapolitika, nota ndi yelitha mpaka kutya omawi ngoka kage na uukwashili, ashike oga longwa mo kwaamboka ya kambadhala oku hepununa ewi lyandje, noye shi pititha oku mbwikila uukwatya wandje evi,” ta ti ngaaka.
Opwa kala omawi ga pitithwa koshikundaneki shoZimLive moka mu na ewi lyafa lyaMohadi ta popi naakiintu mboka a li ta pula a hala oku ya nayo momilalo. Iitya yimwe yopamilalo ya longithwa komupevipresidente iinene na itayi vulu oku pulakenwa.
Mokanamawi kotango, omusaaane wa gumwe gomaakiintu mboka oya taambathana iitya nomupevi-presidente megumbo lye moHarare, sho omulumentu nguka a dhimbulula kutya Mohadi ohayi momilalo nomukiintu gwe. Omukiintu nguka anuwa oha longo kombelewa ye onga omupolisi e lile po egameno lyomupevi-presidente.
Omahangano gamwe gelile po uuthembwa gwomukiintu oga kondjitha opo Mohadi a thige po iilonga ashike Mohadi okwa tokola opo a lwile uukwatya we wopapolitika. “Onda hala oku pipya mpaka kutya ngame kandi na ondjo, atuhe otu shishi nkene uunongononi wa huma, nomawi gaantu otaga vulu okulundululwa. Ashike shika itashi tulitha ndje omutse kepepe,” ta ti ngaaka.
Mohadi oku li omupevipresidente, oshipundi shoka shi na aantu yaali, naMohadi okwa pewa ehala ndjoka hali pewa iilyo yoZanu-PF, etokolo ndjoka lya li lya ningwa kongundu mo1987 sha ikolelela keuvathano tali ithanwa Unity Accord. Oku za peso lyaJoshua Nkomo mo1999, ehala ndjoka lya pewa aantu yatatu, naMohadi omutine.