OCovid-19 ya lundulula olupe oyi li eshongo enene ketuntilo
Etaandelo lyocoronavirus ndjoka ya lundulula uukwatya noku ya molupe limwe olya eta uumbanda mokuhwahwameka etukuko etine lyocoronavirus mo-US, omunambelewa omukuluntu guuhaku ta ti ngaaka. Omukuluntu gwendiki lyo-US Centers for Disease Control and Prevention (CDC) okwa ti oku na eikwatopomutima ngele tashi ya komiyalu dhoCovid-19.
Okwa ti konyala aantu 70 000 oya lopotwa ya kwatwa oshiwike sha za ko, “omwaalu ngoka ogu li pombanda unene”. Muule wethimbo ndyoka opwa lopotwa wo omaso ga adha lwopo 2 000.
“Nandi uvike ko nawa: Pomuthika nguka gwiiponga tayi lopotwa, nomayooloko taga taandele, otashi vulika tu ka kanithe uuwanawa woonkambadhala ndhoka twa ningi petameko,” Dr Rochelle Walensky, omukuluntuwili gwoCDC ta ti ngaaka mOmaandaha. “Omaludhi ga yooloka gombuto ndjika oga nika oshiponga kaantu yetu osho wo koonkambadhala dhetu.”
Open a omaludhi ogendji ga yooloka goCovid-19 taga taandele, ashike ookapyoko muuhaku oya ikwata omaludhi ashike omashona.
Shika osha kwatela mo ngaashi ngoka ga monika mo-UK, South Africa naBrazil ngoka taga monika ga nika oshiponga.
CDC oya tengeneka oludhi lwombuto ndjoka yeyooloko lyo B.1.1.7 ndjoka ya monika tango mo-UK nope niwe uumbanda kutya oyo tayi ka kala tayi tyakaleke mo-US omwedhi nguka.
Dr Walensky ta ti shika oshitilithi kombinga yoolopota dhomiitopolwa ya-US tadhi shuna ishewe monima noonkambadhala dhokugamena aakwashigwana komukithi nguka gwoCovid-19.
“Out na ompito noonkondo okukeelela etukuko etine lyoCovid-19 moshilongo. Natu kaleni tu na einekelo lya kola,” ta ti ngaaka.
Ayihe kumwe, US okwa ndhindhilika iiponga yi li oomiliona 28 nomaso 500 000 ge na sha noCovid-19, shi ikwatelela kehangano lyuundjolowele muuyuni lyoWorld Health Organization (WHO).