Evango lyaOndombo kavahagekesere etjidomo vantu
TSUMEB - Elikwamo lyokutjidamo vatungimo lyokutunda kompanguro kavalihagekeserepo omu yina gumu vantu wokusika ko 3000 vatunga mevango vana kulitumbura asi Ondombo mosondaha kazipwireko.
MoSomeya kavayihagekeserepo wondango zodoropa mokaruwo kokasesu.
Elikwamo eli lyokuvatjida kavali9hagekeserepo mokukwama sigongi esi kasikereko pokatji kondango zodoropa ntani mwenya evango, Christoffel Hermanus Groenewald.
Endombo kwakere nare evango lya TCL ava vakere tavarugana koopera moSomeya nomvhura dakapita, komeho nye vakazirandese koOngopolo Weatherly ano konyima yipo cvayazirandesa ko Dundee vana kurugana nye nosimelta.
Evango eli ngavaliruganesa unene varugani nye womomina zaTCL ntani Ongopolo 0mu lyakere asi evango lyokurara varugani momvhura 1963 ano n gesi kuna karamu nye vatungimo womodoropa zaSomeya omu va kufuta yimaliwa yokusika ko N$1000 ntani N$1 500 mokwedi. Owo nye wokukaramo vana kuninka ngesefa kufuta nye N$3800.
Epiro kulizuvha pokatji kaGroenewald kumwe novatungimo kwatamekere mo2015 konyima tupu omu vantu vamwe vapilire kufuta mfuto valizuvha makura yipo vavahundilire asi vahepa kutunda pevango lina, ano awo makura yipo nye vanyokere kuyirugana oyo, omu valimbwilire asi awo kwato oku navaza awo. Mo 2017, sinzi sovantu vakara pevango olyo kapi vafutire makura Groenewald yipo gavatwere kompanguro makura mpanguro yiyo zakalizire nendi asi vantu owo epuko mwaNovember mvhura zeezi.
Etokoro lyoveta kwakere hena asi owo vantu vahepa kuvatjindamo kehagero lyezuva lyokutunda nayina.
Mouatano ngurangura, vantu wokusika ko 200 vakara asi nawo wosivaruro somo 3000, kavakere tavalyatere pampora omu vana kuyuka komberewa zamuni omu kavakageve nye mbapira zawo zotunyegenyo komukurona gona godoropa gomupe Anmire Garises.
Garises kamusikamesereko mukansela mukwawo gomupe David Hamunyela, Hilde Pashe, Frans Kamati, Abraham Baseko ntani kansela nye gomukunda horowero gwaTsumeb Gottlieb Ndjendjela.
Mombapira zawo zorunyegenyo, vantu ava kuna hara asi ndango zodorpa vavapeko evhu lyomawokowoko ndi ndango zahepa kuranda evango eli kwaGroenewald makura awo valigavera kovantu ava, kumwe nokutokora asi tavakara poopo pevero lyonomberewa zovakansela.
Sigongi makuara yiyo kavatokwere vagusepo eguso mo mevango vantu ava omu kavahamenene wondango ntani kansela gomukundahorowero, awo makura kavagusirepo etjido lyangesi dogoro mvhura ozo mwaJanuary 2021, omu vantu nye kavakere norunyegenyo kavayitambwire makura kumwe nokuhagekesa elyatero lyawo.