Ekonomi Kuna Kuninkisa Vakadi Vakara Asi Kurandesa Marutu Gawo Vakare Nosinka
WINDHOEK - Elikwamo lyokulirandesa rutu roge panyama, moruha rwaVenduka ronongesefa owo avayirugana kapi yina kumoneka asi ngesefa kunakugendapo nawa, awo kunakusivana asi kapi vana kugwana vagara nawa nawa moomu yakere nare.
Morwa ngesi netu ono kara erago kuvhura kugwana mugara gumwe tupu masiku nagenye.
Morwa ekonomi nye lina gumu uzuni, nawo ngesi yina vagumu, awo kavatente asi mosivike kuvhura kugwana mugara gumwe tupu, ano pwanare awo ngavagwana nye vagara vavali ndi vatatu ngoso mesiku limwe.
Eyi kavayitente nye moutano masiku, apa kavakere vaporosi tavagendi porupadi vavapapare, omu wokusika 13 vakadi vana kulirandesa poruzera sinzi sawo wontundiliro zaZimbabwe, natni ZambiagumwetupumuNamibiaava kava kwete.
Apa nye kavavapulire asi yingapi ava gwanamo, sinzi sawo kavatente asi siruwo simwe kuvhura kugendagura masiku nagenye kwato kugwana nampili gumwe.
Gumwe gwawo kauyungire asi vahamudiva, katente asi awo pwarumwe kugwana N$1 800 mesiku limwe, ano ngesi kuna kugwana nye nsene erago N$750 mesiku limwe.
Morwa age kapi aninki ngesefa ngenye ezuva makura age kugwana mokwedi N$9 000.
Vakadi ava kavavagwene pepi nohotera monad noponze lyakara mokatji komarandesero mositata. Kwatonampiligumwemunayirongo apa kara nonombapira dokuwizisa ndi kukara mosirongo, vamwe nampili passport kwato.
Ogo nye muNamibia kakerepo, gonomvhura 34, age kavakamutulire kombashu ezi gakara namumati gwendi, morukanda rokutunga moHavana, nokulikwambera vaporosi asi vahakatantere mumati gwendi, eyi nayinye vana mugwanene ana kurugana modoropa, morwa age kwamutantera asi kurugana kohotera ozo.
Age nkenye apa kudwara mutwaro gomuwa ngwendi gogu asi kunakuza koyirugana, makura apa nye nasika pevango eli aralirandesere age taturako sosisupi yipo sininkise vagara vamuhare.
Apa nye kavamusindikilire vaporosi,agekapikaherepomuhowo kutanta asi kupi atundu.
“twakukandrere nane, sigeninge nize kembo,. Kapi ngomuyamonange hena pevango eli., yimo ana kulikwambera kovaporosi vakara asi sinka novantu vatunga morukanda rwaKhomasdal megendeso lyaInspecta Christiana van Dumen Fonsech nosipana sendi.
Fonsech nare gagusa kuvahanye na asi vatunde pevango olyo, ntani vahageke yirugana yangesi yokulirandesa vene kovagara mononzira.
Mukadi ogo katente asi tani kakara moudigu wounene nsene asi mumati gwange nayizuvha asi ame kuza nikalirandese kovagara.
Age katente asi kwalihameseramo morwa kwakara nomakongo gonohuki vana kutumbura asi Brazilian hair, gokusika ko N$3 500 edi gakusire momakongo.
Gumwe nye ogo gontundiliro zaZimbabwe age tupu kayimwene ndi asi kamwene vaporosi yiko kuliganda akare ngwendi kuna zaruka nokuzigida vakurona vendi komadina.
Vakwawo kavatente asi ngorooro gakara age hena kai gahara asi averuke ndi vamuhakure.
Age kavakamutulire korukanda rwaDorado park oku gatunga namukwawo gumwe nage gosirugana sangoso.
Age makura kamupere yininke yoyisovagani afenye eyi gagwana kovakurona vendi. Age makuara yiyo kamudumikire nosikehe sosisovagani, nokumudayaganga ponturo.
Ogo nye vatunga nendi gonomvhura 33, nage katente asi ngesefa kapi zina kugendapo nawa, morwa nage kuvhura kukara sivike kapi ana gwana mugara.
Age kupura vagara owo unene wokutunda ponze zosirongo yimaliva yokusika ko $100 mosikando simwe.
Age kwatungire moJohannesburg, moSouth Afrika, nokutanata asi eparu kwayakere lina digopa apa nye gayamuzumbire mugara ngwendi gontundiliro zaScottich.
Ame makura natengwire kosirongo setu Zimbabwe,.
Nono mvhura dange edi kapi tani kara asi nitarere movakurona vange, ame nazuvhako nakauke kuhamena Namibia, makura yiyo nawizanye oku.
Eyi kapi taniyiruganene moJohannesburg, morwa vantu wovanzi vadivirenge asi mukadi kwara, yimo ngoso ana kutanta nokugwedako asi eli kapisi eparu lyewa.
Gumwe gwawo gonomvhura 42, gokutunda koZimbabwe, govana vatatu, mugara gwendi kwadogoroka mo 2008, makura eparu kapi lina wapa yiyo nye galitura tupu mokulirandesa mwene rutu rwendi, yipo arere vana vendi.
Apa nye kavamupulire asi yingapi nye ana kugwana age katente asi ngesefa kuna kudigopa. Kapisi eparu lyewa.
Mwawo kamukare mugadi gonomvhura 43, gokutunda koZimbabwe, evere kanker, zokomavere, ntani udigu womutjima. Nage katente asi age kurandesa rutu rwendi, morwa mugara gamuzumba, kumwe novanona, yiyo gakakwara mukadi gontundiliro zaSouth Africa.