Exuliloshivike lemanguluko: Ohonde ya kunguluka meepate daNamibia
Ovanhu ve li vahetatu ova kanifa emwenyo mexuliloshivike.
O pol ifim os hitukul wash a Hard ap oya koleka efyo linyanyalifa lovanhu ve li vatanho va fya eshi va pila motuwa Olomakaya konguloshi. Opolifi oya hokolola kutya osheendifo osho kw alisha humbata ovanhu osha haka omundilo efimbo lokonguloshi, popepi noshitaasi sheshina lokolutenda sheedina Banhoff Railway Station kondje yo doolopa yaRehoboth.
Moiponga ivali ya ningwa moshitulwa shaMusati omwa xulifa ovanhu ve li vavali. Edi oda kolekwa kukomanda woshitukulwa osho Commissioner Titus Shikongo, oo a hokolola kutya moshiponga shotete osha ningilwa mondjila yopokati kOshikuku nOkalongo nomwa xulifila omukainhu umwe. Shikongo ta hokolola kutya nakushinga otuwa okwa nyengwa okupangela osheendifo ndele tashi u ko kopate. Nakufya oye Indileni Kanduuka, omukainhu weedula 30 a yambukile kEndola. Kanduuka okwa xulifila mondjila eshi kwa li ta i koshipangelo. Ovakwapata vaye ova shiivifilwa efyo laye. Otaku hokololwa omushingi wotuwa ei a mona oshiponga unene noku li moshipangelo shaShikuku Roman Catholic ta mono epango lopounamiti.
Kakele koshiponga shotuwa, moshitukulwa shaMusati omwa lopotwa vali efyo lomulumenhu weedula 35, Eliakim Hambelela Amutenya ou a fya eshi kwa li ta tauluka omeva moshana momukunda Omatando moshitukulwa shaMusati.
Shikongo okwa hokolola ta ti Amutenya okwa li ta di koundingosho efimbo lokonguloshi Etitano, onghee okwa li takendambala opo a tauluke omeva moshana.
Ovakwapata vaye ova shiivifilwa efyo eli, nomudimba waye owa twalwa kokila popolifi yaKahao.
Moshitukulwa shaShana omwa lopotwa omafyo ovanhu vavali va fila moshipangelo shaShakati, konima yoshiponga shotuwa Omaandaxa oshivike eshi. Oshiponga osha ningilwa mondjila yopokati kOshakati nOkahao, moshitukulwa shaShana pefimbo lokomatango.
Opolifi oya hokolola kutya oonakufya ova li ve li motuwa onga ovatwaalelwa. Motuwa ei mwa fya ovanhu vati oye lidenga mumwe notuwa ei kwa li tai di komesho.
Opolifi oya ti ovanhu vamwe ova mona oiponga unene, nove li moshipangelo shaShakati tava mono epango lopounamiti.
Ovakwapata voonakufya inava shiivifilwa.