Aakalimo ayehe kegwo lyomeya lyaVictoria otaya tuntilwa
Ondoolopa ayihe koonono ndjoka yi holike kaapashiyoni moZimbabwe yedhina Victoria Falls otayi ka mona etuntilo lyoCovid-19 opo ku keelelwe etaandelo lyomukithi ngoka. Epangelo lyaZimbabwe olya tuma omata ge li 70 000 goSinopharm opo ga tuntile aakuluntu moshilando shika shaapashiyoni, naamboka taya ka tuntilwa oyo mboka ye li pokati koomvula 18 no65. Victoria Falls, shoka shin aomwaa lu gwaantu konyala 33 000, osha dhengwa sha luluma komukithi nguka gwekomba. Kehe omuntu okwa pumbwa okutuntilwa lwaali.
Omupeviminista guundjolowele netonatelo lyaanona Dr John Mangwiro okwa lombwele oshikundaneki shoTimesLIVE ta ti aakalimo yomoVictoria Falls otaya ka wendwa, opo sho uupashiyoni tau ka yambuka po, aantu ayehe oya gamenwa.
“Onga epangelo, otwa hala okuk was hi lip a le kakut ya aakwashigwana naapashiyoni oye li megameno. Sho osho twa kuthila onkatu ndjika onene tu tuntile oshilando ashihe shika. Victoria Falls oshilando moka omangeshefelo omanene ge li muupashiyoni. Aakalimo naapashiyoni moshilando moka oya pumbwa okugamenwa.
“Etuntilo olya tamekele mOsoondaha, naantu kaye na uudhigu netuntilo sigo oompaka,” osho Mangwiro a ti ngaaka.
Oshilando shika osha dhengwa ombunda pevi ngele tashi ya konkalo yeliko, taku tengenekwa oopelesenda 50 dhiilonga dha kana.
Luke Brown, omukuluntuwiliki gwehangano lyoVayeni Safaris, okwa li a ti etuntilo ndika olya taambwa ko koshikondo shuupashiyoni.
“Otu na einekelo kutya etokolo lyepangelo lyetu lyi tuntile aakalimo yomoVictoria Falls oshinima oshiwanawa. Otwe shi taamba ko lela notwa inekela otashi ka kw a the lao ku ya mb ula po os hik on do shuupashiyoni.
“Oshili kutya ope na omakemo kombinga yomuti nguka, ashike out na eitaalo kutya etuntilo ndika otali indike etaandelo monahiya,” ta ti ngaaka.