Ouministeli wEmona otau ka yululula ko keendjo doishoshela
OUMNISTELI wEmona owa shivifa kutya otau ka dima po eepelesenta 95 doishoshela dovafuti votax ovo tava ka hangwa va futa eendjo davo manga omafiku 30 Apiilili inaa fika, tashi ningwa okupitila moku yandja nokutula eedokumente melandulafano, taku longifwa omakwatafano opamalungula.
Omupopiliko wouministeli Tonateni Shidhudhu momushangwa oo a nyolela oikundaneki mEtivali okwa ti edimepo leengunga eli otali ka ningilwa ashike ovanailonga ovo ve linyolifa kepandja lopamalungula louministeli lediina Integrated Tax Administration System (ITAS) notava ka yadeka eefoloma doishoshela komalungulula.
Ta indile opo ovanailonga aveshe opo va yadeke eedokumente davo edi momafiku ile omanga omafiku 31 Maalitsa inaa fika, vo va yande oishoshela ya wedwa po, ta ti ovanhu nava wede ko yoo kepandja oko eedjapo davo doishoshela nomikanda adishe odo tadi pumbiwa.
“Ovanashilonga okwa teelwa opo va yandje omaukwatya ovayandji voilonga vavo, vea nyole meemhito ngaashi naanaa da tulwa mofooloma oyo ili mopologalama yoMicrosoft Excel shaashi eshi otashi va kwafa opo va dule oku yandja ouyelele we li xwa po. Oonakufuta oifendela ovo tava nyengwa okulongifa oITAS otava indilwa opo vaye peembelewa doInland Revenue Department,” Shidhudhu ta ti. Ta weda po ta ti omafiku 31 Maalitsa 2021 oo omafiku a xuuninwa a pewa ovo vali inava yandja oumbangi weefuto doishoshela, mwa kwatela ovo vali ve na oku yandja omaumbangi avo momafiku 30 Juni 2020. Ta ti ova yandji voishoshela ava ova kwatela mo eengeshefa, ovanhu oohandimwe, novanafaalama ovo vali va pewa fiyo omafiku 30 Sepeteba 2020, osho yo ovanailongo ovo eefooloma davo tadi ulike kutya ova li va pewa fiyo omafiku 30 Maalitsa 2020.