Uganda naEgypt taya longele kumwe muundaadhi shi na sha nuuyelele wetungo lyondama
UGANDA naEgypt oya shaina euvathanotsokumwe opo ya taambathane uuyelele wuundaadhi sho pe na oonkalangongo moshitopolwa shi na sha netungo lyondama onene kuEthiopia pomunkulo gwomulonga gwaNile. Momushangwa, etanga lyegameno lyaUganda olya ti euvathano ndika olya adhika moonkundathana dha li ko mEtitatu pokati kaanambelewa aakuluntu yoondaadhi dhetanga lyegameno lyiilongo mbika iyali.
“Egypt naUganda ayehe ohaya longitha omulonga gwaNile, onkene eulongelokumwe olya simana oshoka shoka tashi gumu Uganda otashi gumu woEgypt,” omukuluntu gwosheendo shaEgypt, Major General Sameh Saber ElDegwi osho a ti ngaaka momushangwa.
Ondama ndjika oya kala noku etitha oonkalangongo pokati kaEgypt naEthiopia ethimbo nuule, nomupresidente gwaAmerica pethimbo ndyoka Donald Trump okwa li a londodha kutya Egypt otashi vulika aka longithe onkalo nd jokaokue ta iikolokosha moshitopolwa. Ethiopia oku wete ondama ndjika tayi ka pomba olusheno onga onzo onene okukokitha eliko lye osho wo onzo yoonkondo dholusheno.
Ashike Egypt naSudan, mboka ye li mesilu, oye na uumbanda kutya ondama ndjika tayi ka kotha oobiliona USS$4 otayi ka shonopeka omeya ngoka taga thiki kiilongo yawo. Omulonga gwoWhite Nile ogu li moUganda, omanga Blue Nile ya za moEthiopia.
Oonkundathana dhiilongo mbika itatu, ndhoka dha li tadhi wilikwa komupresidente gwaDemocretic Republic of Congo Felix Tshisekedi, odha li dha hulile mokwena kwa thita mEtiyali