Epangelo laSomalia la yandja oushima koilongo oinanghono tai lidopo moinima layo
EPANGELO laSomalia ola ti otali kaleke po etokolo lalo oku lelepeka oshikako shomupresidente nola yandja oushima kovanailongo ovo tali ti ova hala okudina omulandu woudemokoli woshilongo shavo. Momushangwapitifi, ouministeli woikwapondje owa ti owa handukifwa komishangwa da dja kookaume kavo ovanailongo. Ouministeli tau ti ova hala oku imba Ovasomalia oufemba vavo wopaudemokoli okuhoolola ovaleli vavo.
“Omishangwa tadi xwaxwameke nodi na omatilifo, otadi shundula emanguluko lopapolitika osho yo oufemba we likalekelwa womahangano omoshilongo, naashi otashi koleke ashike omahangano oukulo osho yoo outondwembili moSomalia,” ouministeli tau ti ngaho. Omushangwa tau ti oshinima eshi oshopamupya osheshi ookaume kavo mounyuni, ongomanyakwa oudemokoli, ova dopa okuyambidida ondjila youkongo woudemokoli waSomalia, oo hai pitile momatokolo omeumbo lopashiwana. Olaata yomutumba wopashiwana yaEthiopia mOmaandaxa oya li ya tokola nomawi mahapu okutamununa oshikako shaPresidente Mohamed Abdullahi Farmajo noule weedula mbali. Etokolo eli la shainwa nale kupresidente li ninge oveta, ola li la yembwa kovaleli veengudu domhilamena osho yoo komalelo opaitopolwa aJubbaland naPuntland.
Ookaume novakwafeli vaSomalia, mwa kwatelwa United States noEuropean Union, ove li omhinge netokolo olo tava ti otali topaula ovanhu nokunhinhillipaleka onghalo yengungumano moshilongo. Aveshe ova ti ottava ka talulula omakwtafano avo noshilongo eshi.