Elelo loshitukulwa shaKhomas la yambidida ovanangeshefa vanini
Ovanangeshefa vopedu ve li 11 vomoshikandjohololo shaMoses //Garoeb ova pewa oilongifo kombelewa yelelo loshitukulwa shaKhomas, moshilandopangelo.
Oilongifo ei ili pongushu yoshimaliwa N$18,000, oya yandjelwa kombelewa yakansela kolukanda laHavana.
Moshipopiwa shaye kansela woshikandjohololo shaMoses //Garieb Aili Venonya okwa pandula oshikefa shElelo loshitukulwa shaKhomas eshi sha yambidida ovanhu a va, shaashi okwali veli momhumbwe yoilongifo yoku totifa eengeshefa davo.
“Inde ni mu ka longe nelitulemo, onye ovanelao eshi mwa pewa oilongifo ei opo mu kaninge eengeshefa deni. Epangelo oli na oshisho noshiwawa shalo nelalakano oku taataya po oluhepo nondjala moshilongo,” Venonya ta ti.
Kansela okwa ti aveshe a va va mona oilongifo nave keilongife pamukalo muwa ngaashi naana sha ufa. Ova pewa oilongifo yo ludi ngaashi omashina okuteleka oikulya, oilongifomwa yo meenhele dokupandela, omashina okuhondja oikutu nosho tuu. Venonya okwa ti elalakano lopoloyeka ei oku yambulapo eliko loshilonga tashi pitile mokweeta po oilonga yavo vene, ngaashi nanaa a va vapewa oilongifo ei opo va ka ninga eengeshefa davo vo shakeneke epangelo ondjilakati.
Okwa twa omukumo aveshe ava va mona oilongifo ei opo va kale tava topolafana omayele kombinga nghee vena oku kaleka po eengeshefa davo tadi e nde nawa, do diha teke po nande.
Monica Milanda oumwe wo mwaava va pewa oilongifo oku dilila koKhomas regional council, okwa ti okwa pandula unene eshi a pewa eshina lokuhondja oikutu.
“Paife ohandi kalonga oilonga yange noupu, ohandi kalonga noudinini opo ndi kale andi longo oshimaliwa shi hapu ame ondi shiive ndi kwafele ovakwapata vange nounona vange a va veli mofikola,” Milanda tapopi noshipala shina ehafo. Pexulilo kansela okwa ti oshiwana nashikale nokukwatafana nombelewa yaye ngeenge shapumbwa omakwafo.