Aatiligane noombwa ya hupithwa tango moshiponokela shomoMozambique
Aahupithi yoomwenyo moMozambique oya li anuwa pe aatiligane ekwatho lya sheywa konima yoshiponokela shoka sha li sha ningwa kaatsindumbo nepangelo muMaalitsa, osho ehangano lyoAmnesty International lya ti ngaaka, sho lya li lya ningi omapulaapulo naamboka ya hupa. Oombwa mbali odha li wo dha hupithwa, noya li ya thigi po aantu mohotela moka ya li ya ka holama.
“Ndhika omipopyo omipe kutya aantu oya li ya hupithwa shi ikwatelela kolwaala lwiipa yawo, moka aatiligane oyo ya li ya pewa uuwanawa tango,” Deprose Muchena, omukuluntu gwoAmnesty International moshitopolwa moka ta ti ngaaka.
Amnesty okwa ti okwa ya moonkundathana naantu 11 mboka ya hupa, mwa kwatelwa yatano mboka ya hupu hoy a li ya ponokelwa pethimbo ya li taya kambadhala okufadhuka po.
“Otwa li twa kondekelwa mohotela tu li konyala 220, tse aaluudhe otse twa li otundji, niilumbu oya li ashike yi li lwopo 20. Konima sho twa hupithwa, otwa li mo konyala natango tu na omweny tu li lwopo 170. Iilumbu oyindji oya li ya ilwa mo nedhagadhaga, natse otundji otwa li twa ilwa mo noohauto,” osho gumwe a lombwele ehangano ndika lyuuthemba womuntu.
Amnesty ta ti mboka ya li ya thigwa mo noya li ya ningi onkambadhala you kuthiga po ohotela mondjila yi li kohi yevi oya li ya ponokelwa oshiyakela. Olya pula ku ningwe omakonaakono goolopota ndhika. “Oku ekelahi aantu moshiponokela molwomalwaala goshipa shawo okatongotongo kopalwaala, na itashi gamene aakwashigwana. Osha pumbwa okupulwaapilwa,” osho Muchena a ti ngaaka. Ongundu yedhina Dyck Advisory Group, ehangano lyopaumwene ndyoka olyo lya li lya ka hupitha aantu moshiponokela shika, olya lombwele oshikundaneki sho-AFP kutya omapopyo ngoka kehgi shio goshili, nolya ti otali ka pititha omushangwa naanziya.