Biden a hala Israel naGaza ya ninga ombili
OMUPRESIDENTE gwa-US Joe Biden okwa popya kutya ota yambidhidha oonkambadhala dhombili konima yomasiku gahetatu giikolokosha pokati kaIsrael niikulo yaPalestine. Biden okwa lombwele omuprima gwaIsrael Benjamin Netanyahu kutya US ota longele kumwe naEgypt niilongo yilwe opo ku hulithwe po iikolokosha mbika.
Ashike US okwa li wo a keelele omushangwapitithi gwongonngahangano yegameno yIigwanahangano ngoka gwa li tagu pula ehulithopo lyiikolokosha.
Iikolokosha mbika ngashiingeyi oyi li moshiwike oshitiyali na kape na omandhindhilio kutya otayi hulu mbala Aantu ya adha po212, mwa kwatelwa aanona 61, oya sa moGaza, naantu 10, mwa kwatelwa aanona yaali oya sa moIsrael.
Israel okwa ti oyendji mboka ya dhipagwa moGaza oolebele nomaso gaakwashigwana ogendji kage shi oshiningilawina.
Ashike Hamas, ongundu yoolebele ndjoka oyo tayi kondolola oshitopolwa shika oya pataneka omapopyo ngaka. Shi ikwatelela komushangwa gwa za kEgumbo lyepangeloWhite House, Presidente Biden okwa li a lombwle Israel a longithe kehe nonkambadhala ta vulu opo a kwashilipaleke kutya oomwenyo dhaakwashigwana odha gamenwa.
“Aaleli oya kundathana iiningwanima yomilitali yaIsrael ndjoka ya taalela ongundu yoHamasnoongundudhilwedhuukulomoGaza,” tayi gwedha po ngaaka. Presidente Biden okwa li a popi kutya ota yambidhidha eetepo lyombili nokwa li a hokolola oonkundathana dha-US naEgypt osho wo ookuume yalwe,” omushangwa tagu ti ngaaka. Iikolokosha mbika oya eta eikwatopomutima miigwana oyindji. Aaleli muuyuni nomahangano gomayakulo gaantu oga pula pu tulwe omilandu ku indikwe omaso gaakalimo osho wo evundakano tali etwa komatungo taga hanagulwa po kiilwitho.
Oshikando oshititatu – US okwa keelela oonkambadhala dho-UN Security Council okupititha omushngwa tagu pula Israel a keelele omatanga ge.
“Out wete kutya okupopya iinima mbika meholamo ogwo omukalo omuwanawa okulongithwa,”omupopiliko gwEgumbo gwepangelo Jen Psaki osho a lombwele aatoolinkundana ngaaka.
Israel okwa tsikila nokumboma Gaza okuziilila mewangandjo konima sho oolebele dhaPalestine dha li dha ponokele Israel mOmaandaha. Aaleli yaIsrael oya li wo ya popi kutya otaya ka tsikila okumboma Gaza.
Hamas naye okwa tin aye ota ka ninga wo keho nokeho.
Etanga lyegameno lyaIsrael Defence Forces (IDF), olya ti olya uvitha nayi oolebele konyala 150 nokuhanagula wo ookilometa 15 dhoshitopolwa shaGaza. Aapalestine ya adha puyaheyali sho Israel a ponokele Gaza mOmaandaha komatango.