Mukunda gwaZambezi kagugwene sipangero sopaumwene
Ministera goukanguki Ndokotora Kalumbi Shangula karugwilire ehundiro lyendi asi vaNamibia vahepa kugwana siruwo vaze komavango aga vana kugwanena vantu vendwa tintiko zo Covid-19.
‘’ Posiruwo nye esi, nayitukwata siruwo asi tukaretesepo ekeverero komukisi gokambumburu aka koCovid-19.
Ame yipo nye nina kuhundira natuvenye asi twahepa kukagwana vendwa tintiko yipo nayituninkisa tutengure komukaro googu twakere nago nare.
Yipo simpe tutengure komukaro gwina twakere nago gokulikwata komawoko nsene tomulimorora, yipo mulikwate korutu nokuwapukurura economi lyetu,’’ Shangula yimo ngso ana kuhundira mosikondovike modoropa zaKatima Mulilo posiruwo nye oso sokuzegurura paveta sipangero sopa umwene sina kara asi somutaro vana kutumbura asi Enkehaus Private Hospital.
Age kagwedereko asi ministeli zendi nazirugana kumwe nosipangero esi sopaumwene monkondopeke ukanguki neparu lyovatungimo modoropa ezi.
‘’ Sipangero esi sopa umwene sosipe kuna kugwedako sikumba esi sina kara ngesi soukanguki momukunda,rambangako sirongo setu nasinye.
Nye nampili ngoso, ngasiza ure unene omu ngasi vatera vadinguli ntani vatungimo momukunda ogu.
‘’ Kuna kara asi evango eli ava pwagere unene kuna kara komuzogo-pumezuva, Katima Mulilo kuna pumbwa yitrugana ngwendi yeeyi ana kuyatuklisapo Enkehaus Private hospital, yimo ngoso ana kutanta Shangula.
Sipangero esi sopaumwene kuna kara ngesi nonombete dokusika ko14 dokurara vaveli ntani evango mo lyokumonena vakeke, efano lyopasinkwa ntani, efano lyokompuyuta, nehauto ndi asi Ambulance ntani varugani nye womosipangero oso wokusika ko 33.
‘’’yirugana yangesi nayivatera unene mokuruganesa nye mavango goukanguki gana kara ngesi momukunda.
Melikwamo nye lyangesi, kuna kara nye asi vahepa kuruganena kumwe nosipangero sepangero sina kara momukunda ogu, muna kara asi sipangero saKatima Mulilo.
Mukurona gosipangero saKatima ndokotora Ernest Kombo katente asi epatururo lyuosipangero esi kuna reta nye ehafo, awo ntaantani vanyatere malizuvho gokuruganena kumwe nosipangero sepangero saKatima omu navagwana vaveli ava ava tumu vagende sinano sosire ngesi tava wiza nye kosipangero esi.
Mokukwama nye asi simwe sevatero vantu, Kombo katente asi sipangero sepangero kuna siupulisire vaturemo vaveli ure womazuva 30, omu muna hamene 10 CT mosivike.
‘’ Posiruwo nye esi tuna kundindira enyatero tulimanese, ose natukava nye ngesi posiruwo esi kovaveli vakara mosipangero sepangero uhaku mawoko woko.