Namibia a pitike aanona ya valwa kaakuluntu omashenge ye ye moshilongo

Namibia okwa gandja omikanda dholweendo koohanona aakwana, mbaka wuli aanona yomashenge mboka ya kala molugodhi okukutha aanona yawo moSouth Africa moka ya valelwa oku ya fala kegumbo koNamibia.

Okwa hokololwa ominista opo a yi kUuministeli wiikwameni lyoshilongo Albert Kawana a pitike opo ku gandjwe omikanda ndhoka, tadi pe aanona mbaka opo yeye naakuluntu yawo koNamibia. Ashike owa yelitha kutya shika itashi ti aakwana mbaka oya pewa uukwashigwana waNamibia.

Okuza mu Apiilili nuumvo sho aanona mbaka ya valwa, Phillip Lühl, Omunamibia, nomusamane gwe Omumexico Guillermo Delgado oya kala nokukondja aanona yawo ya mone oombapila dhomeendelelo opo u vule oku za ko koSouth Africa. Ashike shik uuministeli owali weshi kandeke, shoka sha thiminike opo aasaane ya fale epangelo kompangu.

Epangelo olya tindi oku gandja oombapila dhoka, li tali pula Lühl a ulike pamukalo gwo-DNA kutya oye he yaano Aanona mbaka oya li ya valelwa moSouth Africa, wa valwa komukiintu ngoka a kala eya humbata mela lye pamukalo hagu ithanwa surrogacy. Sho a yi koshipundi omasiku ngaka, Kawana, anuwa okwa talulula ondokumende ndjoka nokugandja epitikilo okugandja omikanda dholweendo dhomeendelelo ndhoka dha li dha pulwa.

Omukanda gwa pititwa kuuministele kuyele oshiwike shika otagu ti eindilo ndjoka lyali lya ningwa kaahokanathani mbika olya li lya thiki mombelewa pethimbo epangelo lyali lya ipyakidhila noku ninga omalunduluko melelo lyuuministeli.

Namibia okwa indika omakwatathano giihulo pokati kaantu ye na uushitwa wopaukashike koo okantu wafaathana, ashike oveta ndjika ihayi tulwa miilonga olundji.