Ombongarero yOzombara yOtjiÞiro ya tjiririre
EHARUI- Po tjikando otjitjatu ombongarero yozombara zo Vaherero no Vambanderu oku pamisa no ku serura omaunguriro wazo kumwe ka naa yaenenisire ondando indji.
Mozo ndando inÿa yari oku tara no ku yakura omakutasaneno mo ma nguriro kumwe, tjinene nene mOtjiÞiro Ondjindjandja. Okuza komautiro wOtjiÞiro Otjindjandja, omumenga watjo omuyaruke Ombara Otjitambi yOvaherero, Kuaima Riruako, wa ka yenda puna ozombara peke peke zo zondjuwo zouhona zOvaherero nOvambanderu, kehi yorutu rOtjiÞiro Otjindjandja indwi Ovaherero-Ovambanderu Genocide Foundation, ousupi o OGF, kehi yo mu Haamise wOvihavero vyaro omutenga, Ranongouje Tjihuiko, kuye ku kwa kongorera Utjiua Muinjangue. Orutu indwi tjinga omauhonapare ayari no va kuramenepo okutja ondwari orukute pokati komauhonpare peke peke inga mongondjero yo Tjisuta. Posia nai orusepa indwi karutjipo kaparukaze nu indji o OGF otja tjiya memenwe kaitjiko rukwao ndjiriko oyo Uhonapare wOmbazu wOvaherero. Indji iimwe yo zo ngedo yo zo mbara tjiva ndji vezera kutja iÞunwe.
Posia ombongarero ya Ritjatatu muno pe Harui me¿e ya Tjomuise ponganda osekirise yo varyange no vayenda ya Murangi, ya haamene ape ozominute o 45 uriri nÿari zo va haame oku ri tjiukise. Tjazumba omuhaamise wayo, Ombara Turimuro Hoveka, opa twiire ko tji riro ovahaame vayo na raisa kutja oyo yasere kurira yo zo mbara hamboumwe ozonane zo ma u honapare wo mbazu hamboumwe. Nu mena ro kutja muzo ndaripo indatu uriri, opa munine kutja ombongarero indji kaino’ masa nousemba wo ku haama tjinga ozombara oviuru zo ma uhonapare utatu aze haripo. Ozombara inÿa nÿe haripo Ombara Otjitambi yOvaherero, nguri otjiuru tjo Uhonapare wOmbazu wOvaherero, Ombara Ben Mureti otjiuru tjOuhonapare wa Mureti nOmbara Hijangungo Kapia otjiuru tjOuhonapare wa Zeraeua. Ovahoma vouhonapare wo Vaherero za munine kutja nandarire kutja Ombara Otjitambi kepo owo wina ozombara okuura otjo zo mbara zarwe oviuru vyo ma u honapare warwe wombazu. Oviuru vio ma uhonapare wombazu mbiari po Ombara Turimuro Hoveka, otjiuru tjOuhoanapre wombazu wa Hoveka, nguri omuhaamise wOmbangorero indji; Ombara Otjitambi yOvambanderu, Omwara Karikondua Nguvauva, otjiuru tjOtjirata tjOmabazu tjOvambanderu no Mbara Sam Kambazembi, otjiuru tjOuhonapare wOmbazu wa Kambazembi.
Kakutja nambano Omuhaamise wOmbongarero indji, Ombara Hoveka, mayaruka ko zo mbara ozongwao inÿo hamboumwe oviuru vyo ma uhonapare kutja veka kahururasane kutja tjii hapo ovahaame vo mbongarero indji ozombara ze¿e nÿe nana omauhonapare wombazu ye¿e poo ozondjuwo zouhona ze¿e?