Anthony Joshua a thita po kuTyson Fury sho a ‘fundju’ aayambidhidhi
ANTHONY Josua okwa li a ti Tyson Fury omukengeleledhi sho ya li taya iyula omalaka komapandja gosocial media konima onkundana ya piti kutya otashi vulika olugodhi lwawo lwoshiviha shoheavyweight lu ka kale lwaa ko we. Mbaka yaali okwa li kwa tegelelwa ya ka ipe dhopomeho muAguste 2021, ashike etokolo lyetalululo kokakomisi kobikisa olya li lya utha kutya Fury oku na tango okutaalela Deontay Wilder.
“Owa nyokoma uudhano wobokisa. Owa fundja aayambidhidhi nokukala we ya itaalitha. Wa longitha edhina lyandje pambambo ndele hakuya molugodhi,” Joshua osho a shanga ngaaka. Fury okwa li a yamukula Josua kutya ngele oku uvite uudhigu naya ka lwe ashike onga ye li kuusita. Oosipana ndhika mbali dhaandhengingonyo yaBritain yoshiviha shoheavyweight oya kala moonkundathana oonde sho kwa li kwa tegelewa uudhano mbuka uunenene moomvula ndhika moshiviha shawo.
OmuhwahwamekigwaJosuaEddie Hearn okwa li e na etimaumbwile enene kutya oya li ya adha etsokumwe uudhano u ye komeho, nOmosoondaha Fury okwa li a lombwele aalanduli ye koInstagram kutya okwa shaina opo ya ka kuthe omapu moongongo momasiku 14 Aguste nuumvo koSaudi Arabia. Konima ashike yoowili 24 okuza mpoka, osipana yaWilder- ndjoka ya kala nokutya aluhe oyi na okontalaka okuya molugodhi olutitatu naFury, oya li ya mono kutya oya sindana meindilo lyetalululo lyoshipotha shawo.
Fury, 32, okwa li a sindana epaya lyo-WBC world heavyweight okuza kuWilder sho ya dhanuna muFebuluali, konima sho ya li ya dhana shi thike pamwe oshikando shotango. MEtiyali, Fury okwa li a popi kutya Omuamerica, 35, okwa li a pula oomiliona US$20 a ze mondjila ye a pitike olugodhi lwaJoshua lu ye komeho.
Hearn okwa ti oshinima ngashiingeyi kashi li we momake ge nokwa pa osipana yaFury oshiwike yi patukunune oonkalangongo dhawo naWilder. “Ngele opwa li pe na etalululo, omolwashike ya tseyithile uuyuni awuhe kutya otatu ka lwa? Olugodhi olwa li lwa shainwa,” Joshua osho a shanga metumwalaka lya uka kuFury ngaaka. Okwa li wo a tindi ehiyo lyaFury ya ka lwe ashike dhokuusita oshiwike shika.
“Otandi ku kapula mongwala yoye moka na ito ningi po sha,” Joshua, 31, ta ti ngaaka.
Fury okwa li a yamukula kutya Joshua ota shuna omutse miipeta nokwa ti: “Otandi ka hanagula po Wilder tango ee tandi ku adha nawa.” Hearn okwa li a ti ota ka tala koompito dhilwe, mwa kwatelwa Oleksander Usyk ngoka oye omukondjithi a landula ko mepapa lyo-WBO. Joshua oku na omapapa go-WBO, WBA, no-IBF, sha hala okutya olugodhi lwawo naFury ngeno olwa kala oshikando shotango omapapa agehe gane taga kondjelwa muudhano womwe.
-BBC