ONetwork mOhangwena ya tota po oshikonga shokukwafela ava veli momhumbwe

Ongudu yovalumenhu novakainhu yokulwifa oimbuluma (Man and Woman Network) moshitukulwa shaHangwena oya tota po oshikonga shedina Winter Campaignnelalakanoopovaokukwafelaa va veli momhumbwe pefimbo eli loutalala. Meenghundafana a ninga naKundana omukulunhu wongudu yokulwifa oimbuluma yovakainhu novalumenhu moshitukulwa shaHangwena Nestory Moses okwa hokolola ta ti elalakano loshikonga eshi oku kwafela ovanhu ngaashi ovakulupe, ounona a va veli moluhepo neefiye dili momhumbwe loikwafifo youtalala. “Otweli unganeka atushe moshitukulwa shaHangwena opo tu konge oikwafifo ngaashi oikumbafa, oikutu, eenghaku. Oinima ei otai kapewa ovanhu a va veli momhumbwe pefimbo eli lokufu,” Moses ta ti.

Onghee Moses otai indile oshiwana opo shivawaimine nokuyambidida nakashona aka vena po.

Ongudu ei yokulwifa oimbuluma oyo yadidilikwa hailongo noudinini mokulwifa oimbuluma moshitukulwa shaHangwena, noya kala nokuyambidida oshiwana eshi shili momhumbwe yoikulya noshoyo oikwafifo imwe po.

Moses okwa ti ongudu yavo kaishi a shike yokulwifa oimbuluma, ndele nokukwafelaovanhupamikalodayooloka.

“Ombelewa yetu yokulwifa oimbuluma ei ili mOngha oya didilika ovanhu vahapu veli momhumbwe yoikumbafa, noikutu youtalala pefimbo eli, unene tuu ovanafikola vetu a va veli momikunda,” Moses ta ti. Okwa ti naashi oshe vapa omanenediladilo opo vatote po oshikonga eshi voo vashiive oku konga oikwafifo youtalala ei yapumbiwa koshiwana. “Kukeshe ou ena ehalo lokuyambidida oshikonga shetu okwa tambulwako opo a kale atalela po ombelewa yetu yopashitukulwa ili mOngha,” Moses taapopi.