Zodwa Wabantu a patulula ongeshefa yomayakulo gomafumbiko
Zodwa Wabantu, a tseyika nawa moshimpungu shomainyanyudho okwa tamununa omangeshefelo ge sho a patulula oongeshefa oompe, dhepungulo lyomdhimba osho wo yokugandja omayakulo gomafumviko. Nonando oyendji ye mu tala ko onga omunyanyudhi, Zodwa okwa ulikila oyendji komutse gwondjamba kutya ye ke shi okatana ngele tashi ya kuunangeshefa wi ili nowu ili. Komalungula, okwa li a tseyitha epatuluko lyongeshefa ye yedhina Zodwa Wabantu’s Undertaker Mortuary.
Ta fatulula kutya shika okwe shi ningi onga omukiintu omunangeshefa nokukoleka omidhi dhe momangeshefelo ga yooloka.
“Ngele tandi dhilaadhila onkalamwenyo ombwaanawa, ohandi dhilaadhila okutunga oongeshefa, adhihe odhi li medhina lyandje: Okwiishangitha, okutunga, okuninga omapuko, okundopa, nokukambadhulula. Itandi sholola nando,” osho a shanga ngaaka.
Etseyitho olya li inaali pandika nawa kaayambidhidhi ye oyendji. Ashike natango oyendji oya li ye mu thenga komapepe, ya hokwa sho ta lyatakana mpaka naampeya moongeshefa dha yooloka.
“Omukumo nomatokolo komukiintu omuluudhe Omusouth Africa, kehe shimwe otashi vulu okuningwa,” osho gumwe a ti ngaaka.
Zodwa okwa ya wo mongeshefa yiikwamawawa. Kuyele nuumvo, okwa li a tseyitha kutya ota kala nokulanditha omayi noondjuhwa. Oyendjiyomwaambokayatseyikanawa moshimpungu shomainyanyudho oya li ye mu yambidhidha, mwa kwatelwa Dineo Rakana naNtando Duma.
Ta popi koInstagram, Zodwa okwa li a pandula ookuume ke sho taye mu yambidhidha mongeshefa ye.
“Omapandulo omanene kukuume kandje Ntando Duma. Okwa li a landa omambamba ge li 14 gomayi gaZodwa Wabantu,” osho a shanga ngaaka moshinyolwa she shimwe.