Salamba ika fumana kwaneulo yasilalanda
NGOMA – Sibaka sapabalelo yalifolofolo sa Salambala mwasikiliti sa Zambezi, sika fumana kwaneulo yapurojekiti ya Nilaleg.
Purojekiti ya Nilaleg yene hatisizwe kililuko la silalanda ni bupoti ñohola, ibata kufukuza bunjebwe mwalibaka zamatakanyani, kumbweshafa ketelelo yasilalanda ni sebeliso sakata yalimbule zaNyambe.
Purojekiti yesulelwa masheleñi alikana bolule ba161 (N$161 million) kikatengo ka Global Environment Facility, ibata kutusa libaka zeketalizoho zefumaneha mwamabala mwalikiliti zeketalizoho, ili Omusati, Ohangwena, Kavango ya Wiko, Zambezi ni Kunene, kakutahisa misebezi mwasicaba, kufukuza bubotana nikutisa zwelopili.
Muzamaisi wapurojekiti ya Nilaleg Jonas Nghishidi, naize sibaka sapabalelo yalifolofolo sa Salambala sika tusiwa kamasheleñi alikana bolule baketalizoho, kuli baeze mapurojekiti akuyaha sibaka sabupoti ni kuuta litapi.
“Lufilwe musebezi wakutusa sicaba mwamapurojekiti abona, mi mwasilalo se, baiketezi yakuyaha sibaka samafitelo,” nabulezi.
Naekelize hape kuli “katusa sicaba lubatile kampani kuto eza patisiso kubona kuli sibaka sesi swanela kuyahelwa kisifi.”
Muinasipula wasibaka sapabalelo yalifolofolo sa
SalambalaMulelaSaisai,naize nebaketile kuyaha sibaka samafitelo bakeñisa kuli kuna ni sibaka feela silisiñwi samafitelo mwasilalo.
“Lubona kuli sicaba mwasilalo habana takazo mwaofesi yapabalelo yalifolofolo. Baikutwa kuli ofesi hakuna zebatusa, kakuli balumela kuli kubatusa kikutisa misebezi. Kikafo luiketezi kutisa libaka zamafitelo mwasilalo, mi lulumela kuli kakueza cwalo buñata bwabatu baluna baka fumana misebezi,” nekubulezi Saisai.