Okwaa na omukuluntuwiliki moCow otaku yi iilonga moshipala

MAYOLA gwoWindhoek ndoolopa yaWindhoek Job Amupanda okwa to okwa ha na omunambelewa wiliki moshilando shaWindhoek (CoW) otaku yi moshipala iilonga mbyoka tayi eta elunduluko lyapumbiwa moshilandopangelo.

Amupanda dhika okwedhi popi pethimbo ali ta gandja oshipopiwa she moshigongi shookansela sha ningilwa komalungula mEtine.

Ta ti elelo loshilandopangelo olya ipyakidhila “noku kuna ombuto” yelunduluko ndjoka tali pumbu elelo nakehengoka ta longomoCoW opo ya longele kumwe noku eta po elunduluko ndjoka tali pumbiwa. Ashike okwa pumbiwa omukuluntuwiliki meukililo ngoka ta kwatele komeho etulo miilonga lyomatokolo ngoka taga ningwa kelelo ngaashi egandjo lyomavi kwaamboka ya ninga omimvo odhindji momusholondondo gwomadhina gaamboka ya ninga omaindilo.

“Otuli momalongekidho oku kuta omunambelewa ngoka ngoka eli oshinima oshinene melelo oshoka otaka kwathela oku tula melandulathano noku tula miilonga omathanoko ngoka taga ningwa, ashike ngele omunambelewa nguka ke po, nena iilonga yoku eta po elunduluko oya katwa moshipala noonkondo,” Amupanda ta ti.

Mayola ta tende wo kohi ta ti shimwe shomomakono nomapulapulo taga ka ningilwa mbokatayakayenaehalookukakutha po oshipundi shomunambelewa omukuluntu melelo osho oku ka gandja omalalakano gawo koshigwana, noku yamukula omapulo gaakashigwana, tashi ningwa nelalakano oku kutha po “omuthigululwakalo” ngoka gwa kala gwa talika ko gwa nika uulingilingi noku dhengela ondhi peho, ngele taku kutwa aanambelelwa yiipundi yopombanda.

“Tse inatu posipala nando. Otu shi shi nawa kutya hatse owala tuna ontseyo nuunongo gwoku kunda oombuto. Otu shishi wo kutya opo na mboka haya vulu oku kuna oombuto dhuukwatywa wi ili, ombuto yoku lunga itapula, ombuto yoku ha longa sha noku ya komeho, nombuto yonyalo,” amu panda ta ti.

Okwa indile ookansela ooyakwao opo ka kala ya tonanta noya taalele iilonga mbyoka yelile po nokwaa ha tengagulwa kwaamboka yeli ompinge neputuko noneyo komeho, “otuli le po oshigwana, nosha tala kutse opo tu kandule po omaupyakadhi, nomolwaashoka shetu inekela noku tu tula koshipundi okuza sho tweshi ningile omauvaneko pethimbo lyomahogololo,”