Ombuto yoCovid-19 ya tukuka moAustralia

Aaleli ya Australia oya li ya ningi oshigongi shomeendelelo mOmaandha, shi na sha nomukithi gwoCovid ngoka tagu endelele noonkondo. Etukuko moSydney ndyoka lya kwatakanithwa noludhi lwoDelta olya thika paantu 128 ya kwatwa kombuto ndjoka. Omwa lopotwa wo aantu oyendji ya kwatwa moNorthern Territory, Queensland naWestern Australia.

Aanambelewa oya ti ethimbo ndika olya nika oshiponga moshilongo moka, moshilongo moka omwa kala aantu aashona sha pata oongamba osho wo epato lyoshilongo.

Shika osho oshikando shotango moomwedhi odhindji iitopolwa ya yooloka tamu lopotwa omukithi nguka pethimbo limwe.

“Ondi wete kutya otatu yi moshiluku oshipe shomukithi nguka, moka tatu dhengwa koludhi lwoDelta,” osho omudhiginini gwiiniwe Josh Frydenberg a lombwele ABC News ngaaka.

Eyo pombanda lyomukithi gwoCovid nguka olya eta opo iilando ngaashi Sydney naDarwin yi patwe, osho wo omangambeko miitopolwa ayihe ine. Onkalo yomoSydney otayi limbilike, moka nokuli aakalimo oomiliona ntano ya kale ya pewa elombwelo lyokukala momagumbo.

Epangelo epe lyomoshitopolwa shaNew South Wales (NSW) olya tamununa epato opo ya kwatele mo Greater Sydney, Blue Mountains Central Coast noWollongong. Oongeshefa odhindji odha patwa. Omuprima gwa-NSW Gladys Berejiklian mOmaandaha okwa li a lopota aantu aape 18 ya kwatwa komukithi, ya shuna pevi okuza po30 mOsoondaha. Konyala aantu 59 000 oya li ya tutswa moowili dhahugunina mule woowili 24 dha pita.

“Otwa pumbwa okukala twa ilongekidha omwaalu sho tagu ende gu uka pombanda, konyala aantu oyendji otaya paathana omukithi nguka momagumbo ngashiingeyi,” ta ti ngaaka.

Ominista yuuhaku yomo-NSW Brad Hazzard okwa li a ti oludhi lwoCovid lwedhina Delta olwa nika oshiponga.