Germany ota yambidhidha Namibia mekondjo lyoCovid-19

Germany okuuvaneke natango oku yambidhidha Namibia niilongitho oshowo iikeelelitho okulwitha oCovid-19 oshiwike shika.

Germany okwa ti otaka gandja omakwatho guututsitho 100 000, iifudhitho 45 , omashina gwokupupa 5 000, uumasika oomilliona 150, natango nomashina giifudhitho omanene geli gatano.

Ambasanda gwaGermany kuNamibia Herbert Back okwa ti, oshili oshinakugwanigwanitha shepangelo lyaGermany okuyambidhidha Namibia ngele a taalela uupyakadhi, uunene pethimbo ndika okulwitha omukithi gwoCovid-19.

Back okwa popi ngaaka oshiwike shaziko, sho ali ta gandja iikwathitho okulwiitha omukithi ngoka, yongushu yoomilliona N$180, mbyoka kwali ya helulwa kodhila onene Antonov AV255 cargo po kapale Hosea Kuutako moVenduka.

“Oshilongoshetuoshailongekidha okuyambidhidha Namibia poompito adhihe ta shi vulu, nelalakano lyokusinda omukithi nguka gu hulepo muyuni awihe. Ndika olyo ethimbo lyoku yambidhidhwa omanga omukithi ngoka tagu indjipala nekanitho lyoomwenyo dhaantu,” ta ti ngaaka.

Beck okwali ayelitha kutya oshilongo shawo oshowo UN oya ilongekidha wo okugandja omakwatho ethimbo alihe, okukwathela Namibia.

Germanyokwagandjaomakwatho niikelelitho ya yooloka, omizala dho kwikeelela komukithi ngoka dhili 500 000, oombende dho pashinanena 60, uumasika 300 000, omashina giifudhitho oshowo uututsitho.

Minista gwomakwatathano gwopayilongo nelongelo kumwe Netumbo Nandi-Ndaitwah, esiku ndyoka okwali apandula epangelo lyaGermany okupita

metanga lyegameno lyawo sho lya ya mbidhidha Namibia no makwatho gwongushu dhoomilliona N$180.

“Germany okwa kala e li mekwtathano ewanawa noshilongo shetu, unene okuyambidhidha no makwatho oshowo okugandja omukuma, okuza ethimbo omukithi gwoCovid-19 gwa ponokele moNamibia,” ta popi ngaaka.

Ta ti, natu mangeni uukumwe kumwe, opo tu tsikileni okulwitha omukithi ngoka, gu hulepo muuyuni awihe.

“Germany natango okwetu lombwele onkundana ompe nombwaanawa kutya, momasiku omashona geli komeho, otaka yambidhidha nomiti dhoku shonopaleka ompito yoku keelela omukithi gwoCovi-19, kiilonga yimwe, mwa kwatelwa Namibia,” ta popi ngaaka. Ndaitwah esiku ndyoka okwali apandula komakwatho ngoka Germany a uvaneke okuyambihdhidha nago, ta ti, oye li metegelelo lyili poku valwa.

“Tsikileni okugwanithapo iilonga mbyoka ta mulongo, omanga Namibia eli mompumbwe yo mayambudhidho, okulwitha noku sinda omukithi ngoka,” taku magidha ngaaka.