Oonakuyakathana ya tokola ya pingakanithe aakulukadhi yawo
Oshinima shoku pingakanitha aakiintu ngashi ngeyi osha ha moKenya. Momumvo 2019 aakiintu yamwe oya tokola oku pingakanitha aasamane yaw, e taya shaina etsokumwe-uvathano opo kehe gumwe a ka kale naanona ye mondjokana ye ompe.
Aalumntu yamwe yoomvula dhopokati moshitopolwa shaBusia muuninginino waKenya oya adha euvathano pambili, konima yomaipumo mumwe, opo ya pingakanithe aakiintu yawo –kehe gumwe ta hokanapo gwamukwao
Oshinima shoku pingakanitha aakiintu ngashi ngeyi osha ha moKenya. Momumvo 2019 aakiintu yamwe oya tokola oku pingakanitha aasamane yawo, e taya shaina etsokumwe-uvathano opo kehe gumwe a ka kale naanona ye mondjokana ye ompe.
Aalumentu mbaka naakiintu yawo oya shaina wo omishangwa opo ayehe ya kala taya ipe oompito dhoku tekula aanona yawo. Poshinima shika sha ningilwa pohotela yontumba, opwali omukuluntu gwopolisi moBusia Commissioner Jacob Narengo nomunambelewa omukuluntu koshikondo shegameno lyaanona Esther Wasige mboka yali ya hiywa ya kale oombangi. Oshikundaneki shoGlobal osho sha lopota oshiningwanima shika.
Moshiningwanima shika sha hugunina Josh Odour naSakis oya tokola opo uuyuni ushi uve noku oingakanitha aanona sho Sakis nomukiintu wa Odour ya tameke oku yaka taya yii miihulo.
Odour anuwa okwa uvu ngaa okamufofodholo kutya omukadhi okwa fa ha yaka naSakis, ashike okali edhi tindi.
Konima yethimbo okwa ka haluka sho a adhi omukadhi kaandja Sakis ta opaleke iiyaha a fa eli maandjawo nasho e ya pula nongeyo omukiintu gwe okwe mu lombwele kutya okwa kala ha yaka nomulumentu ngoka ha hingi okatakisa.
“Omukulikadhi gwandje okwa ningi omasiku ha kana mo owala megumbo, ye ita popi mpoka tayi. Onda yi kegumbo lyomuhingi wokataxi hoka nda adha a ipyakidhila ta yogo iiyaha a fe e li maandja wo.
“Onde mu pula kutya oshike shoka ta ningi no kwa lombwele ndje kutya ye okwa hogolola omuhingi ngoka gwotaxi, nokwa hala oye emu hokane po. Onda tokola oku konga omukiintu waOdour, e ta ndu mu hala. Onda li nda hala a uva shika na uvu sho a kala ta taka nomukiintu gwandje sigo nokuli opo ndondo mpoka omukulukadhi ge a henga na,” Sakis ta ti.
Molwa okuuva nayi, omukiintu gwaOdour okwa hengana noku shuna kaakuluntu ye. Sakis okwa tokola oku longa Odour oshilongwa sho a yo a ka hale po omukiintu gwe, nomukiintu ngoka okwa itaale opo a hokanwe po ku
Sakis. Sakis nomukulukadhi gwe omupe oya tokla nokuli oku ka lombwela opolisi opo Odour kee ya piya ganeke, ye a kale ngaa nee nomukiintu ngoka a li ta yaka naye.
“Sho twa tsu kumwe notwa tokola oku hokanathana otwa yi kopolisi e ta tu yi lombwele shoka ta tokola po,” Odour ta ti.
“Itandi etha a kuthe po owala omukulukdhi gwandje ngawo, naye ondi na owala oku mu kutha sha tashi mu uvitha naye. Nangeme ondi na okuhoka na po omukadhi, e ta ndi kutha opo oyana ngaashi naanaa a ningi ndje,” ta gwedha po.
Odour ta ti okwa nyanyukwa noku na ehalo oku vala okanona nomukulukadhi gwe omupe oshoka okwali a igilila oku kala naanona yatatu megumbo ihe omukadhi yo naSakis oyali owala ye na aanona yaali.
Ta ti Sakis nomukadhi waOdour kwali itaya thikile taya mono aanona.
“Itaya ka thikila taya vala oshoka omukiintu ngoka okuli kiingambekithi yoluvalo yuulethimbo womimvo ntano. Nguno nda mono ye okwali e li kiimbambekithi yoomwedhi ndatu nomwedhi nguka omutitatu nale, ondi na oshisho kutya ota ndi mu pe uusimba meendelelo. Ngono nee a kutha po omukiintu ngwandje oku na oku tengelela oomvula ntano,” Oduor ta ti.
Sakis kombunga ye kali ta ulike e na ko nasha oluvalo ndoka lwa hafifa Odour, ashike ye okwali ashike a nyanyukwa sho e na omukiintu ngoka ta ti oku hole noonkondo.
“Kutya nee oshike, ngame onda nyanyukwa owala oshoka paife ondi na omukiintu ngwandje omupe ndimu hole, notwa hokana,” ta ti ngaaka.
Aakwashigwana pomudhingonoko gwao oya ti yo oya nyanyukwa shi aalumentu mboka ya tsu kumwe noya ningi ombili. Oshinima shika shoku yakathana noku kwatwa uukodhi osha kala ethmbo eli tashi piyanganeke –hamagumbo ashike ngoka gaali, ashike nomukunda aguhe owa kala wu na uumbanda.
“Omulumentu goka (Odour) okwa li ha longo nuudhiginini oku palutha ofamili noku opaleka omukiintu gwe. Okwali tashi yemateke sho a kuthwa omukiintu gwe pamukalo gwatya ngaaka. Onawa sho ya adha etsokumwe, oshoka Odour kehe mpoka ta ende okwali ha kala a homata ombele, a tokola oku tsa Sakis. Otagu galikana kutya ngashingeyi oya ninga ombili shaashono oya kandula po uumpyakadhi mbuka,” omukwashigwana gumwe ta ti.
Odour naSakis oyo aahokani aatiyali moBusia taya landula Christopher Wabwire naKevin Barasa mboka ya zile koSiroba nokomukunda gwedhina Namuchula miikandjo hogololwa sha shaMatayos nomoButula mboka nayo yali ya pingakanitha aakulukadhi yawo. –Tuko news.