Uerikua kuna hafa morwa projeka zokudika mambo
Nguuru gomukunda Otjozondjupa James Uerikua nkera kageve ruhafo rwendi kuhamena omu vana kurugana mokudika mambo ntani omu gana kara asi mambo gomutaro vana kudika monodoropa dokulisiga siga momukunda horowere gwendi.
Uerikua kageve sihuyungwa sendi somukunda vana kutumbura asi SORA,modoropa zaOtjiwarongo, mosiruwo sosigongi sosipesiyare sondango zegendeso mukunda zaOtjozondjupa.
Nguuru katente asi mukunda mo 2021 kwatiulisirepo elikwamo lyokugavera evhu omu lyakere asi egavero evhu lyahepa kuligenderesa mokuligavera kovantu omu yakere asi moomu vana kuligavera nokudika mambo nako kwahepa kugenderera.
Ose kwakere negano asi twahepa kuwapukurura evhu lyokusika ko 6 039 lyokutunga vantu modoropa zaOtjiwarongo, ano ngesi kuna kara nomambo gokusika ko 244 vana mana kudika modoropa mokukwama elikwamo lyetu ,’’ yimo ana kutanta Uerikua.
Ano evhu lyokusika ko 1078 lyokudika mambo kuna kara modoropa zaGrootfontein koruha rwa Omulunga, 3, 7, 8, ntani 9 ngesi vana mana kuliwapayika. MoOkahandja, kuna kara nye 3 418 mavango gokutunga gevhu koruha Ekunde, Veddersdal ntani rukanda nmye rurupe oru vana wapukurura oku navakatunga vantu, yimo ana kutanta.
Elikwamo lyokuwapukurura evhu modoropa zaOtavi nalyo ngesi kuna kutwima koruha 3, omu vana kutura evhu lyokutunga mambo 300 ngesi tava kaligavera kovatungimo.
Uerikua simpe katumbwire elikwamo lyepangero eli lina kara asi lina wapa, eli vamanako nare mo 2020/21 meyereko lyoyimaliwa omu vatulisapo projeka koGam, omu vatunga yikasayise yokusika ko 232, omu vana kuka gava rutjeno kovatungimo moOtjiwarongo, Grootfontein Otavi ntani Okahandja ntani kumborora nopomba momukunda gwendi.
Age simpe katente asi ana hara kumona egano eli lyokukatunga sipangero sosinene moOtjiwarongo asi vana litura melikwamo kupitira moministeli zoukanguki nondjewa ndjewa.
Nampili ngoso, nguuru kageve udigu wendi omu mukisi gokambumburu koCovid-19 yina kuligwederera momukunda, mokukwama mwendi dogoro ngesi awo vana zumbanesa nomwenyo dovantu wokusika ko188.
Age makura yipo nye, kahundilire asi vantu vahepa kuza vakagwane wenda zetintiko, nokutanta asi dogoro ngesi ava vana vendwa kunaka tupu 10% movantu owo vana kugazara asi yiwo navavwndwa wokusika ko 97 093.
SORA kavakerepo vakansela wonomukunda Otjiwarongo, Okahandja, Okarara, Otavi Grootfontein Omatako ntani Tsumkwe. - Nampa