Ohanana ina efiku limwe ya hangika ekelwashi koshi yomuti

Ohanana yokakadona opo ya dalwa ina efiku limwe oye li tuwa mEtivali ya ekelwashi momukunda Enghandja moshitukulwa shaHangwena. Otaku hokololwa okahanana aka ka hangwa ka nangekwa koshi yomuti, ka punyangelwa oshikelive.

Omupopiliko wopolifi moshitukulwa shaHangwena Kaume Itumba okwa hokolola ta ti ohanana oye li tuwa efimbo lomutenya komukwashiwana eshi kwali ta enda pomuti uli ponghulo yopota popepi nofikola Erick Nghimtina Combined School.

Okwa ti omukwashiwana oo okwa mona ashike okakevile kalaula katonywa mwa fa muna okaana, nokonima okwa kala ta konakona fiyo ta mono kutya mboli okaana ka shona keli mo.

Itumba okwa ti okudja opo omukwashiwana okwa londwela opolifi yelyenge lokulwifa oimbuluma momikunda oyo yeka ya endelela opo ilopotele opolifi.

Itumba okwa ti eshi va fika ponhele apa pena ohanana ova hanga okaana keli moshikefile ka tuvifikilwa ta ka kwena.

Opolifi oya ti oya twala okaana koshipangelo shaNgela opo ka kale keli momake ovapangi neendokotola, no ta ku hokololwa kutya okeli monghalo ili nawa.

Itumba okwa ti ina yokaana ina monika fiyo opapa shaashi kape na ouyelele kutya okaana oka ekelwashi kulyelye.

Opolifi otai indile moshiwana shomomudingonoko waNghandja no shoyo omikunda dopuushinda opo shi shiivifile opolifi ngeenge ove n ouyelele una sha naina yokaana oko.

Itumba okwa ti ku keshe ou eshi omukainhu kwali eli meteelelo ndele paife ke lina vali, yee kenasha nokaana, nakulopotelwe opolifi opo omukainhu ou a kale a ningilwa omakonakono omoule.

Itumba okwa ti oshiwana na shikwatafane nomukonakoni woimbuluma moshitukulwa shaHangwena Sem Afunda konomola yongodi 0812053189 ile ku lopotelwe opolifi yomomukunda yoMen and Women Network.