Pakistan a indika oontauki dhaAfghanistan okutaaguluka oongamba
Ope na uumbangi kutya iinima oya lunduluka poongamba dhaPakistan naAfghanistan. Epandela ekulu lyaAfghanistan olya pingenwa po kwaandyokaepelyoIslamicEmirates of Afghanistan, nopoongamba ngashiingeyi ope na iilyo yoTaliban ya homata oondjembo.
Ngashiingeyi oyo ya kwata ko Torkham, ehala mpoka opo hapu taagulukile oyendji pokati kaAfghanistannaPakistan.Omasiku omashona ga za ko, aakwashigwana omathele yaAfghanistan oya li ya gongala mpoka uule womasiku, ya hala okutauka. Naashoka sha li inashi tegelelwa osha ningwa: Aapolisi yaAfghanistan oya li yi igandja koTaliban.
Pakistan, a tila olugodhi lu tsikile sigo omoshilongo she, okwa pata ombinga ye yoongamba omanga oTaliban inaayi kutha ko epangelo. Ashike konima oya li ya patulula opo iipindi yi ye komeho nomainyengo gaantu oga li ga ngambekwa. Moshito, konyala aantu 6 000 sigo 7 000 ohaya taaguluka oongamba ndhika, ashike omasiku ngaka ope na ashike konyala aantu 50 ya thikama kombinga yaAfghanistan taya yi moPakistan.
Otashi ka kutha ethimbo. Epangelo lyaPakistan otali ti inali hala nando iikulo yi ye moshilongo onga aakwashigwana. Naashika osha eta elandulathano lyokupita poongamba lyi kale lya kola noonkondo. Torkham osha kala osho uupitilo uunene woontauki okuya moPakistan uule dhoomvula dha za ko.
Ngashiingeyi omwaalu gwoontauki dhaAfghanistan ogu li pevi noonkondo. OTalibana itayi pitike aantu ya ze mo. Aanangeshefa ashike nenge mboka ye na oombapila dhomalweendo dhi li kondjila taya pitikilwa moPakistan. Ashike shika hasho ashike tashi kaleke Aafghanistan moshilongo shawo.
Sho pwa kala pe na ehilathano poongamba, Pakistan okwa kala noku itenga ko nondhalate kuAfghanistan. Uupitilo auhe poongamba ngashiingeyi owa gamenwa kaanambelewa ya homata, shoka tashi ningile oontauki dhaAfghanistan oshidhigu dhi ye moPakistan pwaa na epitikilo lyepangelo.
Oometa ashike oonshona okuza poongamba, Ahsan Khan, 56, okwa li i ipyakidhila nokukutha mo oondjato dhe motaksi. Okwa li ta yi koJalalabad shaAfghanistan.
“Onda kala nokutaaguluka oongamba ndhika okuza pethimbo ndi li mosikola. Opwa li ethimbo limwe tate he tu fala koJalalabad pwaa na okuhadhwagulwa,” Khan
ta ti ngaaka.
Okuza muJuni 2016, epangelo lyaPakistan olya li lya tameke okupula oopaspoota noovisa kAafghanistan mboka taya taaguluka taya yi m moPakistan.
“Owa tegelela ngiini oontauki
dhaAfghanistan dhi ye ngiini poongamba ndhika ngele aantu mboka taya fadhuka po opo ye li mpaka ya thikama. Naamboka ya hepa na inaaya longwa owa tegelela ya mone opasporta noovisa tadhi zi peni ethimbo ndika? Khan ta pula ngaaka.
Omatala gomalandithilo ge li ookilo oonshona okuza moTorkham ohaga talelwa po unene koontauki dhaAfghnistan ndhoka dhi li moPakistan. Owaid Ali oku na okatala kiikulya. Okwa ti ina mona mo oontauki dhaAfghnistan nkene tuu oTaliban ya tameke okukondolola oongamba.
“Omasiku ga zi ko shoo Taliban ya li tayi kutha ko iilando kepangelo, Aafghanistan mboka ye ya mpaka oya li ya lombwele ndje nkene ye na uumbanda okukala kohi yelelo lyoTaliban. Ashike kandi shi kutya onkalamwenyo ndjoka otaye ke yi henuka ngiini we,” Ali ta ti ngaaka.
Konyala oontauki oomiliona ndatu dhaAfghanistan odha kala moPakistan uule woomvula omilongo. Ashike ngashiingeyi epangelo lyaIslamabad olya ti itali vulu we okutaamba ko oontauki tadhi zi puushiindalongo, nonando ya indilwa kiigwanahangano.