Aanona yaEthiopia taya thiminikwa okulwa miita yopashigwana

Sho oshikundaneki shoBBC sha li sha pewa ompito yokuninga oonkundathana nuunona mboka anuwa tau lu iita wa gama kombinga yoolebele, oya li ya tindi petameko.

“Onda li tandi dhana etanga nookuume kandje sho nda li nda thiminikwa komatanga gaTigray ndi ya wayimine,” osho omunamimvo 17 a lombwele oBBCngaakamongodhiokuziilila koAfar, oshitopolwa shoka sha palathana oongamba naTigray. Iikolokosha oya li ya tameke moTigray muumbangalantu waEthiopia muNovemba, ashike oya thiki wo miitopolwa yopuushiinda Afar naAmhara, moka oolebele dho-TPLF dha kwata ko ondoolopa yedhina Lalibela, ndjoka ya tseyika nawa omolwa omatungo goongeleka ga tungwa nomamanya.

“Onda li nda kuthwa po koonkondo ndi ye miita,” osho okanona kamwe ka ti ngaaka, ngoka a lombwele obbc kutya oku li momvula 10 mosikola moshitopolwa shaTigray. “Ofamili yandje kaya li tayi vulu okutya ko sha oshoka oya tila.”

Omukiintu gwoomvula 19 okwa ti: “Inatu pewa nando edheulo lyasha. Oye tu fala koAfar. Oya li ya ti otaya dhipaga oofamili dhetu ngele inatu ya wayimina.”

Aanona mbaka oye tu lombwele kutya konyala aanona ye li 50 lwaampoka oya li ya tulwa popepi noshilandopangelo shaTigray shedhina Mekelle nokuthiminikwa ya wayimine iita, omanga inaaya mangwa po komatanga gomoshitopolwa shaAfar,ngokagagamakombinga yepangelo.

Oshinima shotango shoka sha li sha halutha aatoolinkundana oosho epangelo lyaAfar, ndyoka lye tu pa ompito yokuninga oonkundathana, ya li ya thiminike aatoolinkundana ye shi ninge Melaka lyOshiamharic, ndyoka hali popiwa moEthiopia alihe, ashike inaya hala ye shi ninge moTigrinya, elaka ndyoka ya yama.

Sho aatoolinkundana ya pulakene nawa, oya dhimbulula kutya oshili sho omathimbo gamwe out uvite omupopiliko gwepangelo lyopashitopolwa ta lombwele aanasikola shoka ye na okutya.

Oonkundathana dha fa ndhika odha li dha ningwa wo kiitaasi yooTV koEthiopia, sho aanona ya ulikwa momafano taya monika ya fa ye na ezaza, nayamwe ya lemana.