Aanuumvu oya uthwa okutalelwa po
Uuministeli wuuhaku nonkalonawa owa pitike aanuumvu ya tameke okutalelwa po kaapambele yawo, sha landula eshuno pevi lyiipotha yomukithi gwoCovid-19.
Minista guuhaku nonkalonawa Kalumbi Shangula okwa ti, etalelopo olya pitikwa ashike lumwe moshiwike, oominute 30 ashike.
“Kehe ngoka taka talelwa po, otaka pewa iikeelelitho oshowo omizalo adhihe, okukeelela etaandelathano lyomukithi ngoka,” ta ti ngaaka.
Ta gwedha po ta ti, shika natango osha li sha tokolwa, opo aanuumvu ya kale ye li mekwatathano naapambele yawo, pamwe taya ti po wo hwepo.
Shangula okwa ti, okwa lopotwa aantu oyendji kwa li taya taambelwa miipangelo, ya shuna
pevi momwaalu.
Ta ti, omayakulo ogendji ga li ga kalekwa, otaga tameke.
“Omauyelele agehe otaga ka kala ga kuthwa ko, gaamboka taya talele po okwiindika etalelepolalandulathano, oshowo ethimbo kehe,” ta fatulula ngaaka.
Shangula okwa kumagidha oshigwana shi kaleke po oompango adhihe dha tulwa po okukaleka po omalandulathano ngoka oshowo okukeelela omukithi ngoka gu taandele maanuumvu.
“Omayakulo ngoka otaga
ka lunduluka ashike esiku omuPresidende Hage Geingob taka popyaoompangonomalandulathano okundololoa omukithi ngoka mehulilo lyoshiwi ke tashiya,” ta popi ngaaka.
Oshigwana osha kala tashi nyenyeta, sho sha kala tashi indikwa okutalela po aapambele yawo.
Maria Nekundi gwomOshakati, okwa ti inashi kala oshipu okukala wuna omupambele goye eli moombete , ihe iho mu mono, ho uvu ashike kaapangi sho taya ti.
“Omunuuvu ngele okwa mono
omupambele gwe, naye omwenyo gwe ohagu ovu nawa. Ihe ngele iiha talelwapootakalaenaomadhiladhilo omawinayi oshowo uumbanda,” ta ti ngaaka.
Nekundi okwa ti, etokolo ndyoka olyi li hwe po nonando kali li nawa unene.
Ta ti, okwali yena oku ninga omasiku gaali moshiwike.
“Aanuumvu yamwe oya pumbwa omakwatho gaa pambele yawo, omolwa uuvu ya taalela, yamwe ihaya vulu okuninga sha, kuyo yene,” ta nyenyeta ngaaka.