Aailongi Aanigeria inaya hala okushuna kegumbo
Konima yomaindilo giilonga ga adha po200 inaaga pita kepandja lyomalungula lyoLinkedIn, omwiilongi Omunigeria Modupe Osunkoya okwa dhimbulula kutya ethimbo olya li tali yi opo a vule okulelepeka okukala kwe moBelgium. Ku na oomwedhi ndatu kovisa ye, okwa li e na okumona iilonga nenge a thige po oshilongo. Ashike opwa li ishewe ompito onkwawo, okwiilongela onzapo ye ontitatu konima sho a thigi po Nigeria mo2017. “Kanda li ndi na ehalo lyoku ya ponkatu yuulongelwe woPhD ashike ngele onda shuna kegumbo ngashiingeyi, kape na ompito yiilonga ya tegelela ndje,” omunamimvo 28 osho a lombwele o-BBC ngaaka. Onkalo yokwaa na iilonga yi li pombanda – gumwe gwomaanyasha yatatu kaye na iilonga – osho wo onkalo ya nayipala oya hala okutya oyendji yomaailongi dhingi yaNigeria otaya kongo uuhupilo pondje yoshilongo na inaya hala okushuna kegumbo. Onkene omvula ya za ko Osunkoya okwa li a ishangitha monzapo ye yuundokotola moEstonia ndjoka ta ilongele pamwe nonzapo yoMasters degree ndjoka ta ilongele moBelgium.
Okwa li a yi moEstonia konima sho a li inaa mona ekwatho lyiilonga nenge ompito yoku ilongela onkatu yo-PhD.
“
“Omailongo gawo ngaka hago ehulilo, nangele Kalunga okwa ti ehulilo olyo ndika, itandi shi tindi,” ta ti ngaaka.
OPhd ye koFuture Cities koUniversity yaTallinn of Technology ohayi futwa. Uuna a mana eilongo lye konima yoomvula ne ota vulu okuninga eindilo lyokula omukwashigwana.
Oku na edhilaadhilo lyokutembukila kiilongo yuuzilo waEurope kwaambyoka hayi longo
Melaka lyOshiingilisa ngaashi Belgium. Osunkoya oye ashike gumwe gwomaanasikola Aanigeria ya za koofamili ndhoka kaadhi shi iipuna nohaya vulu oku kai longa pondje yiilongo.
Omvula ya za ko, konyala Aanigeria100000oyazimoshilongo ya kai longa pondje, shi ikwatelela ko-ICEF Monitor ndjoka hayi talaatala omainyengo gaanasikola. Oyendji oye na ehalo lyokuninga aakwashigwana yiilongo mbyoka, nokukutha oonkatu kooyimwe ya ka adhe omalalakano gawo.
Omunasikola gumwe moBelgium, Bonoula, ngoka a li inaa hala ofani ye ya longithwa okwa ti: “antu ohaya mana onzapo yawo yoMasters, taya shuna ko oku ka ninga odiploma yi li pevi lyonzapo yawo, taya ilongele onzapo onkwawo, ayihe mpoka opo ya vule okukala moka.”