Munasipundi godoropa zaOmuthiya katundire mounasipundi asi yirugana yinzi
OMUTHIYA -Katrina Kashokulu, ogu gakere asi munasipundi gokomitiye zegendeso modoropa zaOmuthiya, ngesi katundire mosirugana sendi omu ana kutanta asi yirugana yina muvhukire. Kashokulu kurugana koNampost Holding ogu ana kara hena asi yige mukurona gomberewa zina. Egano nye eli lyokuhageka kukara munsi[pundi kuna kara lina gumu vanatu wovanzi, morwa age kuna kara momberewa ezi kutunda tupu mokwedi kwaDecember 2020. Kashokulu kwakere muhameni gombunga zaSWAPO moukansela owo. Ogu kankondopekere asi ana tundumo mosirugana kuna kara mukurona godoropa Johannes Ndeutepo katente asi mbapira zokutunda moukansela kaziretere kwa CEO, ogu nage nazituma oku zawapera. Age nare gatanterange egano – nye ngesi kuna kara nye momberewa zaCEO. Age katente asi kapi ana kuvhura kuligaununa , eyi ana kumona asi kuna kudigo unene kapi ana kuvhura hena. Mokuza nye komeho, Ndeutepo katente asi nongendeseso nadinye ana dikwama , makura kukwama veta ogu ana kara pelikwamo lyombunga ozo tagusa evango olyo.
Ano ngesi CEO nagava mapukururo aga kwaministera ano mbunga politika ozo nazigava nye asi yilye ana kukwamako. Veta zolocala authority kuna kutanta asi nsene kuna kara evango vahepa kulitjingisa nye mbunga zoozo zomuntu ogo tazigava Edina. Veta kuna kutanta asi evango olyo vahehepa kuligwanena muntu momakwedi gatatu kutunda nye kombunga politika ozo.
Ano nsene makwedi gatatu gana piti evango olyo kukaligwanena muntu paapa nye ngavakakara nomahoroworo gokukwamako.
Vakansela wonondango donodoropa, kukaramo moukansela nomvhura ntano.