Mauhwi kavageve kwava vamona runyando kompire
EENHANA -Uhwi kuna kuwiza mokuvatera vanyandi komundiro omu mambo gavali gakara moOkauva ntani Eengonyo moOndobe momukunda horowero gwaOhangwena, omu yina kara asi mambo gawo kagapire komundiro. Eretesopo mundiro poOkauva kapi simpe yinadivikwa, ano ogu nye gopo Eengonyo, kavayitente asi kagureteserepo munona ogu kakere tadanauka nomundiro ndi asi kaparu vahana kumukeverera. Kwato muntu ogu karemanene koyimpagwa yangesi. Mbunga politika zaSWAPO zovagolikadi, project of
HOPE, ntani dimwe ngoso vasamaritani vakara momukunda ogo, kavalipakerere makura vavatere vanakoro owo. Eyi nye yina kara asi klwayigwene sivike sina puko, moune kunakra nonsako 60 domahangu, nombete mbali, matarase ntani yidwara.
Mbunga zaSWAPO azo kazigeve yokusika ko N$10 000, ano ezi nye zo project of HOPE kazigeve yokusika ko mulyo go N$500. M okugwedako, mbunga zaSWAPO, kazitungire nzugo zoyipereki zokurara pomukunda Okauva zomukurupe ogu, HIlaria Hanyana, gonomvhura 98.
Apa kakahuyungire pokugava uhwi ou, hamutjanga gombunga Eunice Iipinge katente asi konyima tupu apa kamwene konombundi omu vana kulikida simpagwa so[poOkauva, awo makura yipo kavatokwere kugavako yimaliwa eyi kavaruganesere varande mahangu nayimwe ngoso yokuvhura kuruganesa vavatere ava kava mwene runyando.
Twahepa kulironga kuhara mukweni moomu walihara nyamoge kukara nomutjima gokuvatera mukweni mosiruwo sosidigu, morwa udigu kuwiza komuntu nkenye siruwo,’’ yimo ana kutanta Sheelongo, ogu gakara asi musinda gwaHanyana, gumwe govanyandi. Ano ava nye wokumona kanyando komundiro pomukunda Eenyongo Albertina Shaamena natni munwendi Benhard Hamunyela kavahundilire muhoko asi nkenye yimwe vana kumona asi kuvhura kuretesapo mundiro vahepa kuyiporesako kovanona ntani vanona nawo vahepa kuvarongo udona auretesapo ndi agu retesapo mundiro.
Navenye vanyandi kavapandwire unene kovasamaritani ava kava wizire vayavavatere, mokugwana uhwi ou morwa nayivavatere momunene. ‘’ Ose kuna kupandura kwakamarada Hilaria Ndjuluwa, kansela gwaOndobe kweyi ana rugana kekoro lyetu omu tuna kumuhundira asi ayirugane hepa kwavamwe ava nawo navakara moudigu wangesi ,’’ yimo ana kutanta ngoso Hamunyela.