Tukeverereli unankondo wovantu ntani matokatoka-Manombe –Ncube
Ministeragona gakarerapo vantu ava paruka nourema momberewa zaPresidente Alexia Manombe-Ncube kahundilire vaNamibia asi twa hepa kugava mfumwa nokukeverera ntani unankondo womuntu rambangako ava vana kuparuka awo matokatoka.
Apa kakahuyungire pepongo lyezuva limwe mokutanta asi twahepa kuyizuvha asi matokatoka vantu, ManombeNcube katente asi vaNamibia twahepa kulifumadeka unene momukaro ogu gwakara asi yimo vatureta unene mokupakera matokatoka sinka nawo vamone vene mulyo.
‘’ Ose kuna kuhundira vantu navenye, rambangako vegendeso lyorudi, asi vahepa kudiva mulyo lyomuntu ogu aparuka nourema ntani vantu vahepa kuhageka nonkango dawo donondona edi ava ruganesa kwetu, nomukaro gokuvaninkiliramo.
Manombe-Ncube simpe kayinkondopekere asi pana kara hepero vakare nerongo omu navatantera vantu asi vahaninkiliramo vakwawo morwa asi awo matokatoka.
Matokatoka nago gakara nomulyo asi vaparuke yipo asi vana pumbwa ekeverero.
Unene kuna kara asi vantu ava vakuparuka nomukaro ogu omu vavareta asi matokatoka kuna kuparuka noudigu yipo asi yina kara mulyo unene vantu vetu nawo vazuvheko asi mulyo govantu ava ngapi gwakara.
Ministeli ngesi kuna kurugana pomu navatulisapo magano mokupopera matokatoka simwe esi navatura mediveta lyosiringo unene mosintokorwa 10 ntani veta nye ezi zovantu wokuparuka nourema.
Simpe kagwedereko asi ministeli ngesi kupitira moruha rwawo rovantui vana kuparuka nourema ngesi vahepa kuvakeverera vagwane ekeverero nkenye.
Epongo eli kalikere nositurwapo asi twahepa kuzuvha eparu lyomatpoka toka; mokugwana pwanyamwetu udivi tugwana yiruganeso unene komberewa zaAmbudsman.
Awo kavakerepo vantu wokusika ko 22 ava ava paruka nourema wokukara asi matokatok, vakondi wovanona owo vakara Asi matokatoka, ntani wokukarerapo nombunga edi dopaumwene.
- Nampa