Ekoro lyovaELCIN kavarekerere Ngodji

Nakufa mubisofi vatumbura gongereka za Evangeli lyaluteli moNamibia (ELCIN) gokomuzogo Martin Ngodji kavakamuhorekere poOkongo momukunda gwaOhangwena momapeu.

Kutunda mepongo lyouhuyunga eparu lyendi, vahuyungi wokulisiga siga kuna kavageve omu gaparuka nokumutanga asi mugara gononkedi gakara kutekura nawa vantu.

Gonomvhura 61 Ngodji kwadogorokera mosipangero zokomuzogo kokambumburu koCovid-19 mepiro divilisa.

Age kakere nye melikwamo lyokukamutungikaasimuBisofimomazuva 14 MwaMangundu kevango lyepe lya ELCIN lyovaBisofi lyokoupumezuva kutunda tupu vamuhorowere mwa Siwogedi.

Mombudi zokuhengagwida kazitundire kepangero kakaresere nguuru gomukunda Ohangwena Walde Ndevashiya, Ngodji kwakere mugara gokurugana unene, eyi yamuninkisa akare nofumadeka mombunganokugwanaeswerokovakwawo wombunga zongereka zaELCIN.

Mosiruwo nye esi sosidigu, gamukwawo zetu, mongereka zaELCIN, kuna kugava mbudi zetu zoruguwo kwamukada nakufa Saima Ngodji, vanona, ekoro nalinye, mubisofi gwa ELCIN ndokotora Shekutamba V V Nambala ntani vahameni navenye vangereka zaELCIN,’’ yimo ana kutanta Ndevashiya.

Hamutjanga gongereka zaELCIN Alpo Enkono katjangwilire Ngodji asi mutulisipo mbili, kapi azumbanesa kwayi ana kugazara ayo hena yokutanta Yuma.

Ngodji vana vendi kavamutjangwilire asi kwakara nosinka, ntani age kwahara kuvatera unene ava vana pumbwa mbatero. Otate vetu vaturugana nawa momunene.

Age nkenye apa ngatupe makorangedo asi twahepa kulironga unene ntani kapisi oligave mokurugana yirugana yosure.

Ose kuna kupandura guhyetu kwana yinye eyi gaturuganena,’’ yimo vana kutanta. Mufisa yendi Saima katente asi mugara gwendi mukriste gomunene ogu garera vana vendi momukaro gopasikriste. Nokugwedako asi mugara gwendi kwakere gousili ntani mugara ahbuyunga yousili.

Ngodji kwamutungikire asi musita mo 8 Pembagona 1986 pevango lyaOmundaungilo. Elirongo lyendi kuna

karamu master degree ntani PhD.