Ozongondjero zo TjiÞiro omahi mahi - Hoveka
Ozombuzovindimba- Eye ngunda uri mo zo ndambo no ruuma ro va hona vOuhonapare wOmbazu wOvaherero nu ke nee zesa.
Ombara Turimuro Hoveka matja otjo muhungire weyuva po ma zemburukiro wo zo mbura 117 zeraa ra Lothar von Trotha Oroviungura ndazuko po Zombuzovindimba.
Eye ma hungirire ko ngondjero ndjiripo ndje hongorera oku kondjisa kutja ozombara zOvaherero nOvambanderu ze pamise ekwamo ro ma unguriro kumwe, tjinene mo ngondjero yo Tjisuta. Katjisupi eye nOmbara Sam Kambazembi nOmbara Otjitambi Karikondua Aletha Nguvauva vaire kehi rOvambo oku ka ririra ko vi Þuve vyo zo mbara ozongwa zoutukondwa komanene yehi ohunga no Ruyano Rwapamwe. Oro nai ndu ma ru hungirirwa mo Mbongarero yOtjiwa¿a. Ombara Hoveka matja omairo kozombara komanene wehi kamatenga nu nandarire Ombara Otjitambi yOvaherero, omuyaruke Kuaima Riruako, wa ka ¿anga Ombara yo Vandonga ko Hamakari mo 2004.
Yari omauhonapare hambombari nu koruseinina aye karira yetatu uriri yarwe aya ka harere oupota pota. Matja ongondjero yawo indji ma i munika ayo yari no vi hape tjinga Otjiru tjOkehi tjehi, Nangolo Mbumba, ee ve kwizike kutja Oruyano karuno’ ku tuurungisirwa mo ndjuwo indji tjazumba aru tuwa omunwe kembo ngunda owo avehino hange naro.
Hoveka matja mave tjiwa kutja ongwizikiro yo munane wo kehi wehi indji mapeya airire omambo wo tji porotika uriri, posio owo otji¿a tji ve hina ku tjesa nganduu owo tji va rire orupa no tji hungiriro oku rihungirira po oveni. Posia ngunda aperi nao ma kawondja komrungu kutja otjiwana tji sekamene tjimwe nu tji hungire eraka rimwe motjina ihi. Matja Ombara Otjitambi omuyaruke Vekuii Rukoro wo mu pere omana wo zo mbara ndatu neye munao otji ma kayendisa komurungu ongondjero yepango mOtjiÞiro Otjindjandja.
Matja ongondjero indji oyondjo ndja pewa iyo zombara hamboumwe yo mbongarero oseinina ndja sere oku kahaama po nganda yo ma sekirisiro wo va yenda ya Murangi pEharui tjiyari nai iyandere meyuru tjiyari 28 ku Tengarindi ombura indji. Yo ko murungu waindjo ya haamena kovarama yo mu yaruke Kavezembi Katjomuise tjiyari yetano ku Tjikukutu mo 2020.