EIF a mono ompito natango yokuyambindhidhwa noshimaliwa

Ehangano lyoGreen Climate Fund (GCF) olya pitike eindilo lyomayambindhidho goshimaliwa oshikando oshitiyali, gehangano Envirnmental Investment Fund of Namibia (EIF).

Momushangwa pitithwa ko-EIF omwa popiwa kutya oya li ya mono ompito ndjoka yokuyambindhidhwa, uule womimvo ntano.

“Otwa mono ompito ndjika oshikando oshitiyali. Sho tango osha li she ya pehuulilo nuumvo muJuni. Oshimaliwa shotango okw ali sha gandjwa tango mo2016,” ya nyola ngaaka.

Taya ti, oya yambindhidhwa noshimaliwa, shoka nena sha eta omawunawa ogendji mwa kwatelwa oopoloyeka ndhoka dha eta natango oshimaliwa shi thike poomilliona N$640.

“Ooproyeka ndhoka omwa kwatelwa ndhoka hadhi kwathele aanafaalama uuna ya taalela omaupyakadhi gonkalo yombepo, opo kaaya shune monima nenge okuhanagula uunafalama,” ya fatulula ngaaka. Ehangano ndika olya shanga kutya ohali kwathele wo unene iitopolwa itatu yokonooli mbyoka unene ya taalela uupyakandhi wonkalo yombepo, ndjoka hayi lunduluka.

“Ooproyeka ndhoka ondhi li mekwatelo komeho lyuuministeli wuunamapya, pauvathano nehangano ndyoka lyo (GCF). Shika otashi ka kala ethimbo nuule wo mimvo ntano, 2026-2022,” ya ti ngaaka.

Ooproyeka dhimwe odhi na sha nokuyambula po aanafaalama aashona momikunda oshowo okuyakumagindha noku ya xwaxwameka nkene yena okuhuma komeho nuunafalama, uuna ya taalela omaupyakandhi gonkalo yompepo.

Ehangano ndika olya ti, ota li kalonga nuudhiginini okukwashilipaleka kutya, mooproyeka moka otamu kaza oshimaliwa natango shoku yambindidha, ngaashi oshikando sha zi k osha longo.