Elongifo lomapangwe la londa pombada moHardap

Omupopiliko wopolifi moshitukulwa shaMariental Inspector Linea Heita okwa ti elongifo lomapangwe ola londa unene pombada moshitukulwa shaHardap.

Okwa ti moshitukukulwa shaHardap omwa lopotwa oimbofa 228 yovanhu tava kwatwa nomapangwe okudja omudo 2020 fiyo 2021. Okwa didilikwa unene oshitukulwa shaHardap shina ovanhu ve hole okulandifa oingangamwifikomaumboomanga vamwe ohava landifile koshana konima yeendudu. Pefimbo a ninga eenghundafana naKundana

Etine Heita okwa ti odoolopa yaMariental oili pombada novanhu hava longifa omapangwe omanga vamwe ohava kwatwa noingamwifi meetuwa davo koshi yoipundi.

Heita okwa ti ovashingi veetuwa ngeenge tava i koshitopolwa shokouninginino ohava kala vena omapangwe ongushu yoshimaliwa sha kula meetuwa davo. Okwa ti naashi osha eta opo opolifi i kale tai konakona meetuwa dovanhu ngeenge tadi piti modoolopa yaMariental shaashi ovanhu vamwe ove hole okukanghameka eetuwa davo modoolopa ndele tava tameke okulandifa oingangamwifa manga.

“Ounona vofikola vahapu ova ninga oihakanwa yokulongifa omapangwe modoolopa yaMariental, omo to hange tamwine omapangwe moundjuu wofikola omanga vamwe ove li vake mofikola va kanwe omapangwe,” Heita ta ti.

Okwa popya ta ti ovanafikola vamwe na vo ohava landifa omangwe konima yeetundi hava kala tava landifile komalukanda meebashu. “Ovanhu paife ohava kala tave li dipayafana konima ngeenge vanwa omapangwe shaashi ouluvi wavo iha u kala vali tau longo uli ponhele.

Omanga vamwe ohava kala tava landifa po omaliko avo opo va mone oshimaliwa shokukalanda omapangwe,” Heita ta ti.