Rundu kuna kumoneka asi tavakatunda moudigu womema
RUNDU - Evango nye eli vana kukatulisapo lyokuwapukurura mema modoropa zaRundu kuna kukamoneka asi udigu womema ngesi taukatundapo dogoro mo 2037.
Eyi kayihungire ministera gomema Calle Schlettwein posiruwo nye oso kavatulire paveta evango eli lyokuwapukurura mema lyoruha rwaRundu nkera.
Rundu kwakara asi evango eli lina kara noudigu womema mononyuku dakapita, nomakongo gokusika ko nomiluyuna N$124 kokampany zaNamwater, ano vatungimo awo kuna kara nomakongo kondango zodoropa gokusika ko N$3000 gonomiliyuna morwa kupira kufuta mema.
‘’ Egano eli kuna kara asi lyokuwapukurura mema vagatekure nawa komehovakaganwevantuwomomukunda ndi doropa zaRundu awo ngesi kuna kuliwapayika yipo ;lisikisemo sirugana salyo sokugava mema dogoro mo 2037.
‘’ yimo ana kutanta ngoso ministera. Ministera katente asi ministeli zoyimaliwa nare zamana kutura maliyongo kumwe nombanga zaAfrika mo 2020, omu navavatera kugava mbatero komema mosirongo setu.
Yimaliwa eyi yimwe kwakara asi yokutulisapo mavango gangesi, kufuta vadiva Yuma younkurungu, ntani vamwe ava ava purako nogugava magano omu vana kudika evango eli moRundu koruha rumwe.
Schlettwein katente asi doropa ezi kuna kuru unene monomvhura edi dina piti, nokutanta asi mema kuna kugagusa momukuro gwaKavango kuruganesa nopomba mbali gatware nye oku nava kagagaununa gaze moRundu ntani morukanda rwaNkarapamwe nawa nawa.
Age katente asi apa ngesi evango olyo lyomoRundu kuna kara pavali moRundu ntani Nkarapamwe omu yina kara asi mema kuna kunana mokusika konometa 840m/ h. age simpe katente asi oyo tuna kuruganesa yokukurupa ano ngesi yina siki nye mevango lyayo lyokuninka asi ngano yirugane hena.
Munasipundi gwaNamWater Thaddius Mashau katente asi mema gomomukuro gwaKavango, kapi gawapa asi ngano vaganwe vantu kutunda tupu momukuro, vahepa kugatekura komeho vagaruganese kukwama noveta douzuni omu Namibia nage gakara asi gumwe kanyatera malizuvho ogo, omu ana kufaturura mulyo gokutulkisapo evango eli lyokuwapayika mema vaganwe vantu. - Nampa