SA a yululula ko koondjindikila dhoCovid opo a yambule po eliko
Presidente gwaSouth Africa Cyril Ramaphosa okwa tseyitha ehulithepo dhomilandu odhindji dhoCovid-19 okuza mEtitatu.
Moomwedhi oonshona dha zi ko, oshilongo osha galukile konkalondjigilile, nomalunduluko ngoka ga ningwa gahugunina otaga ka eta iinyangadhalwa oyindji ngaashi omangundumano gaantu, osho wo iinyangadhalwa yilwe tayi nkondopeke eliko. Presidente Ramaphosa okwa ti omapekaapeko oga ulika kutya oopelesenda 60 sigo 80 gaakwashigwana odha gamenwa komukithi gwoCovid-19, sho ya tuntilwa, nenge ya li nale ya kwatwa.
Omolwonkalo ndjika, ta ti, epangelo olya kutha onkatu opo lyi patulule omangeshefelo gamwe osho wo uumask itaau zalwa we ethimbo kehe. Omilandu omipe otadhi kwatele mo epatululo lyuupale, omahala gokutala oomuvi naangoka gokuhikila oongalo, shika okwa tegelelwa shi ka yumudhe iikondo yomaudhano, uupashiyoni nuunkulungu.
Mboka taya ka ethelwa muupale oyo mboka taya ka ulika kutya oya tuntilwa nenge ya ulike iizemo yawo yoCovid yi li meni lyoowili 72 dhahugunina, nuupale otau ka tamba ko ashike etata lyaantu mboka ya uthwa okukala mo. Presidente Ramaphosa ta ti mboka taye ya moshilongo oye na okuulika iizemo kutya kaye na ocovid, nenge ya ulike uumbangi wetuntilo.
Mboka taye ya moshilongo otaya vulu wo okutuntilwa sho taya thikile mo. Ezalo lyuumask uuna ashike aantu ye li mehala mwa pata. Omupresidente ta ti oshilongo ngashiingeyi otashi longitha omilandu dhuundjolowele okukondeka nokukandula po uudhigu woCovid-19.
Omwedhi tagu ya epangelo otali ka eta po omulandu omupe, moka aantu mboka itaaya ulike omandhindhiliko itaaya ka pumbwa we oku ikalekelwa. Ovetathaneko ndjika otayi ka tulwa moshigwana shit ye ko sha sigo omomasiku 15 Apiilili.