Kavango zoupumezuva kuna kukazegurura nomuvero dazo
RUNDU - Nguuru gomukunda Kavango zoupumezuva Bonifatius Wakudumo, kahundilire vanangesefa wom\omukunda nava wopnze zomukunda asi vahepa kuyapungura momukunda gwendi morwa kuna kara noupolitika wopampora ntani epunguro kuna wapa unene momukunda gwina.
Nguuru kahuyunmgire nonakngo dina papa katamekere kuhuyungisa romuhowo vantu womomukunda gwendi kutunda tupu apa vamupa sirugana sina, nonkango edi kahuyungilire modoropa zaRundu.
Age katente asi mukunda gwaKavango zoupumezuva kuna zeguruka kovanangesefa morwa awo kuna kara neparu lyopampora ntani yina mwenyo yetiu kuna kumoneka nawa, yipo nye yina kuninkisange asi nihundire vanangesefa vayapungure momukunda ogu, yimo ana kutanta waKudumo.
Age simpe katente asi mukunda kuna gugumu maudigu gomanzi, omu yina kumoneka epangero lyelika kapi taliyivhiuru kugusapo udigu ou, yipo nye asi vana ngesefa vahepa kuvatera epangero omu navakara asi nawo kuna kupungwisa momukunda ogu.
Yimwe eyi katumbwire mosihuyungwa sendi magwanekere kapi gana wapa, unene monomuknda doponze zodoropa, kovanafarama vetu, ntani epiro yirugana unene kovadinkantu vetu.
Nampili ngomu tuna kara asi kwakara noudigu epangero nalihetekerako moomu lyavhulira liture nonzira dokuza momawiza momukunda ogu, mema, ntani navapapara asi vanafarama vakare vanazangura nokuvapaparera marandesero.
Monomvhura nye odo dakuwiza natuwapukurura ngepangero ngendeso zonondima nomatungo, ntani kuruganesa marunone getu muna kara ngwendi yipirangi ntani nangondwe. Ano yimo nye ngoso tuna kugazara asi tugusepo epiro yirugana ano epangero kuna kara asi simwe selikwamo lyalyo.
Wakudumo simpe kuna parapo asi Kavango zoupumezuva kuna kara noyiweka yokulisiga siga muna kara ngwendi nondima, vadinguli, magwanekero ntani matungo omu zina kara ngesefa asi mulyo kovantu vetu.
Kavango zoupumezuva kwakara nye mpito zetu paekonomi omu tuna kuzimona asi hawe ngesi kuvhura turunduruke opo tuna kara.
Ose kuna kara asi vamwe vakusikisamo udemokoli omu una kutwikira kuza komeho mokugava upolitika una wapa omu tuna kukatura nye malikwamo gepangero moyirugana omu natuwapukura malikwamo getu neparu lyovantuyimo ana kutanta Wakudumo.
Epangero kuna tura yimaliwa yokusika ko N$216 yonomiliyuna momvhura ezi 2020/2021 varuganeseko mokuwapukurura matungo ndi asi mokukulika mukunda ogu goKavango zoupumezuva.