Xulifei po okulandifa omadu kondado ili pombada - Waandja

Omunashipundi welelo laUkwanyana Eliaser Waandja okwa kungilila oovene vomikunda ovo tava landifa omadu opo va xulife po oku shi ninga.

Waandja okwa ti paveta yo male loop amifyuululw aka lo edu ihali landifwa ndele omunhu oha yandje ashike oshimaliwa shoN$600, hano ombadu yekaya, hai yandjwa kumwene womukunda eshi a longifa efimbo laye okutenda edu opo tapa i omunhu oo.

Waandja okwa ti kashi li mondjila ngeenge oshiwana tashi landifwa edu kondado yopombada shaashi elelo laUkwanyama inali yandja epitikilo koovene vomikunda va kale tava pewa oshimaliwa shombumbo ngeenge va yandja edu kovanhu koohandimwe.

“Ovanhu aveshe nava yandje ashike N$600 koovene vomikunda ngeenge va pewa omadu ndele havanhu tava anyenwa edu shaashi vehe na oshimaliwa shihapu,” Waandja ta ti.

Okwa weda po ta ti oshiwana nasho nashi xulife po okukala tashi lilandifa omadu kondado yopombada shaashi eshi otashi eta eenhamanana pokati kovakwashiwana ngeenge pe na umwe ina futa oshimaliwa sha mukwao pefimbo.

Waandja ou e li yoo vali omupopiliko welelo laUkwanyama okwa ti ombelewa yaye oya didilika ovanhu ve hole okulikufila omadu inava pewa onghee okwa ti eshi ohashi eta ovanhu vahapu va kale tava nyenyeta komafiku okomesho ngeenge tava tewa po ponhele opo shaashi kakwa li va pewa po.

“Ovanhu nava kale ve na omakwatafano mawa noovene vomikunda davo, oovene vomikunda nava yandje omayakulo kovanamikunda vavo nokukala ve na ombili,” Waandja ta ti.

Okwa kunghilila yoo vali ovanhu ava ve hole okupata eendjila domomikunda opo shi kale sha mona exulilo diva.

“Ngeenge ponhele ope na ondji lay a kale haiendwakovanhu shito efimbo lile ina i pumbwa okukala ya pwatwa shaashi ovanhu vopomudingonoko opo ovai ka okulongifa ondjila oyo,” Waandja ta ti.

Okwa weda po ta ti oshiwana ngeenge sha landifwa omadu nashi kale shina eembipila dayela opo ndi kale oumbangi womongula ngeenge wa holoka sha shii.