Masheleñi abanana babana ni buanga aka ekezwa

Muuso uiketezi kuekeza masheleñi afiwa kwabanana babana ni buanga, babali mwatasa lilimo ze18 kuzwa mwa N$250 kuya mwa N$1 300, kukala 2023/2024 kukokiseza tuso yefiwa kwabanana babana ni buanga. Liluko la pabalelo yabanana neli hatisize mulao wasilelezo yasicaba kutatulula butata bobuñwi, kungelela cwalo butata bwa masheleñi bobutisizwe kibutuku bwa Covid-19, ili kalulo ye ekelize bubotana ni kutokwa misebezi. Liluko neli ize kanako yacwale babafiwa masheleñi balikana 6 895, mi masheleñi kaufela alifiwa kubabana ni buanga ni buhole alikana N$1.7 million.

Kekezo yeo ikatisa kuli masheleñi akana alifiwa inoba N$8.9 million. Mulao one uhatisizwe uka konkiseza, kuankufisa, ni kucimbula liswanelo zabatu ni kuba nanula kubazwisa mwabubotana. Hala zeñwi mulao ubata kufa masheleñi kwabayahi banaha Namibia baba saipumaneli babali mwalilimo zemwahala 18 ni 59. “Liluko neli kalile kufa masheleñi awo kakufetula mukoloko wakufa lico kuba masheleñi sina mo ubulelela mulelo waHarambee II, kukala la 1 Lungu 2022,” nekubulezi Doreen Sioka, likwambuyu wakulikanelela kwabaana ni basali, kufelisa bunjebwe ni pabalelo yasicaba.

Naekelize kuli mulao ubata kubona kuli bayahi kaufela, hakubilaezi kobapila, baswanela kuba mwamayemo alukela abupilo, ni kwakuyendamena mwalinako zetata.

“Kutoloka kuli banana kaufela, babanca, basali, baba sabeleki, baba kungulezwi kwatuko ni batu babana ni buanga bafiwa liswanelo zelikanelezi, nikuli basupali baluna ni bane balwanezi naha bafumana likute ni tuso mwabusupali bwabona,” nabulezi.

Naize mulao uka hulisa konahalo yakuli bayahi kaufela banaha bafumana silelezo. “Umbweshafaza mayemo amuuso kualabela kwalika zesi kaitekelwa zekona kukataza mabasi mi kanako yeswana utalima kuli kuswanela kuba ni lico,” nahatelezi.