A tsuwa nombele okusa medhina lyepunyapunya
Omulumentu gwomimvo 30 okwa tsuwa nombele okusa, oshiwike shazi ko sho anuwa ye namumwayina ya tilehi omalomvu gamukwao gumwe, ngoka ngashi ngeyi oye e li omufekelwa.
Omukuluntu gwopolisi moshitopolwa shaMusati Titus Shikongo okwa ti, oshiningwanima shoka osha ningwa momukunda OkafituKeondemomundhingoloko gOutapi.
Nakusa oye Amavila Alweendo gwomimvo 30.
Omufekelwa gwomimvo 32 okwa patululilwa oshipotha she dhipago.
Otaku hokololwa kutya naku tamanekelwa edhipago okwa li aadhika kuAlwendo ngoka a li pamwe nomumwayinamati mondunda yimwe yomanwino. Omulumenhu nguka anuwa oyali taya nu epunyapunya nomulandithi mondingosho moka.
Aalumenutu mboka aamwayinathana anuwa okwa li ya kutha po omalovu gaantu eta yega tileni noku tatula po omakende. Shoka kwa li sha eta oondjuma poka ti kaalumentu mboka.
Shikongo ta hokolola kutya omulandithi okwa li eya tidhile pondje, mpoka ya tikile noku tanguna.
Otaku hokolwa kutya omulumentu ngoka okwa li a ka tentena aamwayinatha mboka yaali kondjila okuya kegumbo noku ya ponokela noombele.
Ta ti, okwa li a tsu mumwayina gwaAlweendo lwiikando itatu oshowo Alweendo ye mwene lwiikando iyali.
Omutamanekwa moshipotha muka anuwa okwa li a dhengwa noku ehamekwa noshinima kaashi shiwike kunakusa, ayehe oya li yafalwa koshipangelo.
Shikonga ta ti, molwashoka Alweendo okwa li a ehamekwa noonkondo, okwa li a lundulilwa koshipangelo kOshakati hoka aka hulithila.
Omulumentuomumwayinamati gwaAlweendo naye okwa li a falwa koshipangelo, ihe ngaashi ngeyi oku li monkalo tayi etitha oonkondo.
Aakwanezimo oya tseyithilwa nomakonakonogopolisi otaga tsikile.
Opolisi otayi tsikile okukumagidha oshigwana shi kale aluhe tashi lopota omaudhigu gasho kopolisi yi li popepi, ihe ha kwii kuthila ooveta momake gawo.
“Opolisi oyi li le po okutula po omalandulathano oshowo okukeelela omaupyakadhi golundhi ndoka, onkene oshigwana nashi kale tashi lopota omaudhigu gasho,” ta kumagidha ngaaka.