Omupeha-presidente gwaNigeria Osinbajo otaka thikama momahogololo gopaupresidente
Omupeha gwomupresidente gwaNigeria okwa Yemi Osinbajo okwa tseyitha pambwelewa etokolo lye oku kutha ombinga momahogololo gopaupresidente omumvo tagu ya.
Oku na einekelo oku ya koshipundi noku pingena poPresident Muhammadu Buhari ngoka oshikako she shuupresidente tashi ya pehulilo muMay gwomvula tayi ya.
Proffesor Osinbajo, ngoka e li omutseyi veta paithano okwali a hogololwa a kale omupeha gwaBuhari mo2015.
Mokavideo okahupi hoka ka tulwa komalungula, Osinbajo okwa uvaneke okutsikila mpoka ngashingeyi pu na oshilongo, noshowo oku nawapeka egameno, eliko, omatungo nehumokomeho, okulwitha oluhepo nosho wo oku eta oshikondo shuuyuki ponkatu yuuyuni.
Okwa tumbaleke omupresidente ngoka eli koshipundi ta ti oye “omupiya gwoshigwana.
Okwa ti elelo lyaBuhari moka naye eli olya longo nuudhiginini oku hwepopeka onkalo yegameno, nonando ya kala ya taalela omashongo ogendji.
Omunamimvo 65 nguka otaka itaalela naakuthimbinga yalwe taya zi mongundu ndjoka tayi pangele yoAPC. Mboka taka itaalela nayo oya kwatela mo Bola Ahmed Tinubu ngoka a li omuyambindhindhi kamana gwaOsinbajo pomahogololo gazi ko. Tinubu ngashi ngeyi oye ngoloneya gwaLagos, nokwa tali ka ko kutya oye gumwe gwomaanankondo mongudu tayi pangele.
Yakwao yalwe oya kwatela mo ngoloneya gwoshitopolwa shaKogi Yahaya Bello noshowo ngoka ngashineyi e li ominista yiiyenditho Rotimi Ameachi.
Omukondjithi omunene gwoAPC ongundu yompilameno yoDPD hoka aakuthimbinga momahogololo gopaupresidente ya kwatela mo omupevi president gwongundu ndjoka Atuku Abubakar, ngoloneya gwoshitopolwa shaRiver State Nyesom Wike, goloneya gwoshitopolwa shaBaucji Bala Muhammad, ngoloneya gwaSokoto Aminu Tambuwal noshilyo shomuutumba gwopashigwana Bukola Saraki.
Omahogololo ngaka otaga ka kala ko muFebuluali gwomumvo tagu ya.