Omafumbiko goyendji mombila yimwe moNigeria, sho oyendji taya dhipagwa
Omafimbiko gaantu oyendji taya fimbukwi mombila yimwe koshotopolwa shokoshikulundudu moNigeria giihakanwa omilongo mbyoka ya dhipagwa miiponokela oyindji tayi ningilwa moshitopolwa shoka tashi ithanwa Plateau.
Aantu 150 oyali ya dhipagwa moshiponokela shoka sha hugunine.
Pethimbo omidhimba tadhi fumbikwa moshilambo shimwe aantu yamwe natango oyali taya kongo omalutu gaantu kondje yomukunda gwao mboka nayo ya dhipagelwa moshiponokela.
Oyendje yomoonakusa aamati aagundjuka noshowo aanona. Mboka oyali ya yahwa okusa pethimbo yali taya kembadhala oku fadhuka po.
Omafumbiko ngano otaga eta ehaluko enene noluhodhi mokati komukunda nguka.
Iiponokela mbyoka ya ningwa lwahuguninwa moshitopolwa shaPlateau oyo yali inyanyalika noonkondo ya ningwa muule wokathimbo okahupi moNigeria.
Epangelo inali gandja omuyalu gwo thaatha kutya aantu lela yangapi ya dhipagwa. Ashike aakwashigwana nomalelo gopamuthigululwakalo olya ti opwa nonika omalutu goonakusa oyeli 150.
Omagumbo ogendji oga fikwa po, naantu omathele iya tauka mo momalukalwa gawo.
Aantu oyendji – unene aakiintu naanona – onkene taya tsikile oku thiga po omagumbo gawo taya ka hondama koondoolopa nomikunda dhopuushiinda.
Aakwashigwana taya ti etanga lyegameno olye keya ashike konima yoowili 24. Aakwiita oyendji ngashingeyi oya tuminwa ishewe koshitopolwa hoka.
Nigeria okwa ningi ethimbo a taalelwa keshongo lyaanamapowe ya homata, mboka taya tukula iikolokosha noku kwata po aantu oombambyona noku pula oofamili dhiihakanwa yawo dhifute iimaliwa oyindji opo yeya mangululu. Iinima mbika otayi ningwa unene komikunda hoka kwa talika kaaku na egameno lyagwana. –BBC