Epangero kuna hara asi vakwateli kononkondo vahepa kukara nomvhura 20 modorongo
Epangero kupitira momupanguli gwawo Felistas Sikerete-Vendura sivike sina puko kahundilire mpanguro zepeguru kupitira momuhahende Naomi Shivute asi gahepa kutuma vantu ava vavali vanagwana epuko mokukwatera vakadi kpononkondo vakakare modorongo ure wonomvhura 20.
Mokukwama mwendi, umbondo ndi ulingilingi, una kara ngwendi wouwu, kuna kara epuko lyenene eli lina kara asi kuna kureta matjiliso kovatungimo, yipo nye asi mokutura asi vantu vahakara nowoma twahepa nye kutura etokoro lina kuvatjilisa omu natutura asi vanzoni ava vahepa kuvatengeka momunene. ‘’ Mokutura nye asi vanzoni ava vahepa kuvatura melikwamo lina wapere unene kapisi asi morwa kukara kwawo monkarapamwe, hawe vahepa kudiva asi oyo vana rugana epuko unene morwa awo kwasensa noveta detu makura yipo nye varuganesa veta zavene.
Mosihorokwa sangesi, vanzoni ava nare vapitakana nomvhura 10, ntani munona kadona ogo kavayirugene ngoso musesu nonkondo mwato ntani age kakere ana korwa. Eyi yina kumoneka nawa nawa asi munyandi ogu kapi kakere nononkondo dokuvhura asi alipopere mwene koyo yitodi yivali ava vakara asi kwafa unene kohura. Eyi yina kukoresa unene komutjima kuna kara asi munyandi ogu
gadivikwa kowo kavamurugene ngoso. Age mumbya swara zendi ogu ana kara asi mukada nakufa mukurwendi.
Eyi kuna kureta nye mukaro asi nsene owo vana kara asi vemembo lyeni kapi vana kukukunga, yilye nye navhura kukukunga? Age katente asi, mpanguro zahepa kutuma mbudi zina wapere omu nayikapulisira vakadi nawo vakakare tavagendi vana manguruka unene ponomukunda daw okapi yina kara hepero asi vili musinke.
Omu navakara asi nepu kwakugenda masiku makura vehepa kuvakwatera kononkondo. Jan Gemeng(32) ntani Godlieb Rapanka Katuuo (36) awo navenye vavali kavavagwene unzone mokukwatera mukadona ogu kononkondo. Awo simpe kuna kara mendindiro omu hambara hena vakwatere mukadi kononkondo mokwedi kwaPembagona, 17, 2014 moOtjorukune. Kuna kuzuvhika asi musivani ogu kwakere pombaha, kumwe namumati gwendi ntani vakwawo vaholi zawo. Ogu vana kuyigazarerera nage gumwe gakere mombaha ozo. Awo kavamuhomokerere monzira zendi zokuza kembo.
Mumati gwendi ogu gazuvhira omu ana kutakuma taduka ayatjide yitiodi eyi. Konyima Gemeng nta Katuoo nare vana mana kurugana eyi vahere kurugana, awo kwamutwere moyihwa makura tavakamusiga moomo moyihwa. Vavali owo kwavatokwera kumwe naTjaava Ebson, nye age kwamusigire morwa kapi vana kara noumbangi wokuzulilira. Mukarelipo gwawo, ahende Joseph Andreas ntani Mese Tjituri, omu kavatente asi muntu gwawo simpe munona ana pumbwa kumupako siruwo sauvali. Omu kavahundilire mpanguro asi vahavatengeka momunene, vavafireko nkenda. Mupanguli katente asi nagava etokoro momazuva 26 Kudumonkuru
–rrouth@nepc.com.na