Aanafalama konooli oye na etegelelo ewanawa
NONANDOomvulanuumvo okwa li yeya kwatoka kashona, unene kiitopolwa yoko nooli, aanafalama yo momapya moshitopolwa shaMusati otaya ligola omolwa omapya gawo gena iilya tayi monika nawa.
Sabina Uusiku, omukulupe gwomomukunda Okapika moshitopolwa shaMusati momudhingoloko gwaRuacana okwa ti, epya lye olya wopala konima kwa li eli longo no kwa li lya mono omuloka omwaanawa.
“Ikulya yo mepya ngaashi omakunde, oofukwa, iitila nomauwanawa mepya lyandje, oto ti ashike ino hala we. O ngame omunelago oshowo omukengeli, kandina shoka nda pumbwa we, epya lyandje ota li hupithandje,” ta popi ngaaka.Uusikutati,nonandoomvula nuumvo okwa li ya kwata ethimbo okuloka, unene moshitopolwa shaMusati, omvula oya li ya loko nawa iiwike ya ziko, sho osho wu wete epya lyandje lya talalelwa nawa ngaaka,” ta hokolola ngaaka.
Ta gwedha po kutya, omvo nguka kaguna ondjala, kehe gumwe otaka teya shoka a kuna, shapo ongele inoolonga epya loye.
“Ondina iilya, tala omitse dhiilya yandje. Ondina okuudha omashisha gandje nuumvo, nonando petameko lyomvula a ngala ndi teke omukumo oshoka ka kwa li kuna omvula,” ta popi ngaaka.
Malakia Joseph gwomoRuacana okwa ti, ngaashingeyi otaya ilongekidha okuteya omapya gawo.
“Otwa tegelela ashike iilya yi kukute, oshoka paife oya talala natango, opo tu shuwe okuteya,” ta ti ngaaka.
Joseph ta ti, omapya momudhingoloko gwawo oga opala, ogena iilya.“Iilya nuumvo oyina okuthinanamo miipale oshoka oyindji noonkondo,” Joseph ta ti ngaaka.
Ta gwedha po kutya shika otashi gandja omukumo moshigwa kutya aanafalama yomomapya otaya kondjitha okukandulapo ondjala. “Oshigwana oshina oonkondo dhokulonga omapya gawo. Oyendji oyena ehalo lyokulundulula omapya gawo miikunino yiikwamboga, ihe uupyakandhi omeya,” ta popi ngaaka.
Mbamuna Rakotoka okwa ti, omvula ya hugunina ya loko okwa li ya gandja omukumo kaanafala oyendji.
“Imuna yetu otayi monika nawa komalutu, nonando kwa li ya nyayikila sho omvula kwa li ya kwata ethimbo okuloka,” ta pandula ngaaka.
Ta ti, nonando omvula ya mwena paife sho ethimbo lyuutalala ta li tameke iishana yomeya oyuudha omeya
natango.