Naikaku: Oimbuluma moshitunda shaUkwanyama otai fifa ohoni
OMUPOPILIKO welelo laUkwanyama Andrew Naikaku okwa hokolola ta ti ova lu lilwakoimbul um a yalonda moshitukulwa shaHangwena eshi hamu lopotwa ovanyasha tava longo oilonga youshada.
Naikaku okwa ti oimbuluma tai longwa moshitunda shaUkwanyama otai fifa ohoni nokunyemateka ovaleli vaUkwanyama. Pefimbo a ninga eenghundafana naKundana Etine Naikaku okwa ti ohamba yaUkwanyama oya udifwa nai koimbuluma tai ningwa moshitunda shaUkwanyama eshi ovalumenhu hava kala tava dipaa ovakainhu nokuvakwata onghonga. Naikaku okwa hokolola ta ti unene tuu onghundana yomulumemhu weedula 24 ou ta kuhokololwa kutya vati okwa kwata okaana kaye kokamati onghonga ke na odula neemwedi heyali momukunda Epangwe mexuliloshivike.
“Otwa kumwifa koilonga youshada tai longwa koshiwana moshitunda shetu eshi ounona vashona navo mboli va ninga oihakamwa yokukwatwa keenghono,” Naikaku ta ti. Okwa ti onghalo yokulongifa omalodu noingangamwifi oyo unene tai heta opo oshiwana shi kale shi na omhepo yokulonga oimbuluma.
“Ovanhu vamwe ove hole okuya keendudu tava ka konga omakwafo nokulongifa oupule nokonima ohava lombwelwa keendudu opo veu ye va longele ovanhu ominyonena,” Naikaku ta ti. Okwa weda po ta ti ovadali navo ove na epuko shaashi ihava xungile nounona vavo momaumbo omanga vamwe ohava to kelelwa nounona vavo keendingosho.
Onghee okwa ti naashi ohashi heta opo ounona voumati va kale va tekulwa ondembula yokukala tava longo oimbuluma shaashi ova he felwa okudja petameko nale.
“Okamatyona komido 17 ndele oko ta ka kwatwa nokudipaa omukainhu weedula 44 onghee eshi oshi li tashi fifa ohoni notashi nyemateke shaashi ovadali vahapu ovadopa okutekulila ounona vavo etilo lokalunga,” ta hokolola.
Naikaku okwa ti ovadali nava kale tava tekulile ounona vavo etilo kalun gan omufyuululw aka loo po ounona va kale vehe na omhepo yokulonga oimbuluma. “Ovanhu nava xulife po okuya keendudu shaashi paife ohava kala ashike tava pukifwa keendudu va ka longe oilonga youpaani moshiwna,” Naikaku ta ti. Okwa weda ta ti elelo laUkwanyama otali ka tameka okuninga oikonga momikunda opo kuxwaxwamekwe nokuyandje ehongo movanyasha kukelelwe oilonga yoimbuluma.